رْ مَ 15:14-33

¹⁴ﭑ نفَشَكٍرٍنيِيٍ، ﭑ تَن عَ كٌلٌن وٌ بْحّ قَن، وٌ بَرَ لْننِ سْتْ عَ قَنيِ رَ، وٌ قَتَ وٌ بٌرٍ رَ سِدٍ.

¹⁵كْنْ ﭑ تٌ سّبّلِ تِشِ وٌ مَ، ﭑ مَ مَسٍنيِ ندٍيٍ قِندِشِ مَسٍنيِ شْرْشْييٍ نَن نَ عَلَكٌ ﭑ شَ وٌ رَتُ، بَرِ مَ عَلَ تٌ هِننّشِ ﭑ نَ،

¹⁶عَ بَرَ ﭑ قِندِ عَ شَ مِشِ سُفَندِشِ عِسَ شَ وَلِكّ رَ سِفَقٍ رَ سِ فبّتّيٍ مَ. نَ كُي، ﭑ سّرّشّدُبّ وَلِ نَن نَبَمَ ﭑ تٌ عَلَ شَ شِبَارُ قَنيِ كَوَندِ مَ سِ فبّتّيٍ بّ، عَلَكٌ عَلَ شَشِلِ سّنِيّنشِ شَ عٍ قِندِ سّرّشّ سّنِيّنشِ رَ نَشَن عَلَ كّنّنمَ.

¹⁷نَ بِرِن كُي، ﭑ نُن عَلَ شَ مِشِ سُفَندِشِ عِسَ تٌ عَ رَ، ﭑ نْمَ سّيوَدٍ ﭑ مَ وَلِ رَ عَلَ بّ،

¹⁸بَرِ مَ ﭑ مُ سُو سَمَ قٍقٍ شَ قٍ قَلَدٍ قٌ عَلَ شَ مِشِ سُفَندِشِ بَرَ نَشَن نَبَ ﭑ سَابُي رَ، عَلَكٌ سِ فبّتّيٍ شَ عَلَ شُي رَبَتُ. عَ بَرَ نَ رَبَ ﭑ مَ مَسٍنيِيٍ نُن ﭑ مَ كّوَلِيٍ سَابُي رَ،

¹⁹كَابَنَكٌي نُن تْنشُمَيٍ شَ سّنبّ سَابُي رَ، عَ نُن عَلَ شَشِلِ سّنِيّنشِ سّنبّ سَابُي رَ. نَ كُي، كٍلِقٍ دَرِ سَلَمُ هَن عَ سَ دْشْ عِلِرِ رَ، ﭑ بَرَ عَلَ شَ مِشِ سُفَندِشِ شَ شِبَارُ قَنيِ رَيٍنسٍن يّ.

²⁰نَ بِرِن كُي، ﭑ كَتَشِ نّ ﭑ شَ مِشِيٍ كَوَندِ عِسَ شَ شِبَارُ قَنيِ رَ نَشٍيٍ مُ عَلَ شَ مِشِ سُفَندِشِ كٌلٌن. ﭑ مُ وَ نَ رَبَقٍ كَوَندِلَ فبّتّ دَنفِ قْشِ.

²¹عَلْ عَ سّبّشِ كِتَابُي كُي كِ نَشّ، «عَ شَ قٍ سِنفٍ مُ نُ قَلَ نَشٍيٍ بّ، عٍ قَمَ نّ عَ كٌلٌندٍ. مِشِ نَشٍيٍ سِنفٍ مُ نُ عَ شَ قٍ مّ، عٍ قَمَ نّ عَ قَهَامُدٍ.»

²²يِ وَلِ نَن عَ نِيَشِ ﭑ مُ نْشِ سِفَدٍ وٌ يِرٍ.

²³يَكْسِ ﭑ مَ وَلِ بَرَ حْن يِ بْشِيٍ مَ. ﭑ نُ بَرَ وَ سِفَقٍ وٌ يِرٍ كَبِ حّ وُيَشِ.

²⁴عَ شْلِ ﭑ مَ ﭑ شَ دَنفِ وٌ يِرٍ ﭑ نَ كِرَ سُشُ سِفَقٍ رَ سِثَنيِ بْشِ مَ. وٌن شَ لُ يِرٍ كٍرٍن وَشَتِ ندٍ مَ عَلَكٌ ﭑ شَ حّلّشِن وٌ تٌقٍ رَ، عَ شْلِ ﭑ مَ وٌ شَ ﭑ مَلِ سِفَقٍ رَ سِثَنيِ.

²⁵يَكْسِ ﭑ نَ سِفَقٍ دَرِ سَلَمُ سّنِيّنتْييٍ مَلِدٍ،

²⁶بَرِ مَ دَنشَنِيَتْي حَمَيٍ نَشٍيٍ نَ مَسٍدٌن نُن عَكَيِ بْشِ مَ، عٍ عَ حَنِفٍ نّ عٍ شَ عٍ هَرِفٍ ندٍ مَلَن، عٍ شَ عَ رَ سَنبَ دَرِ سَلَمُ مِسِكِينّيٍ مَ نَشٍيٍ نَ نَ سّنِيّنتْييٍ يَ مَ.

²⁷عٍ تَن نَن عَ حَنِفٍشِ. عَنُن، عَ لَنمَ عٍ شَ نَ نَتّ تٌنفٌ بَرِ مَ يُوِقِيٍ تٌ قِندِ سَابُي رَ عٍ تَن سِ فبّتّيٍ بّ عَلَ شَ قٍيٍ كُي، عَ لَن نّ عٍ قَن شَ يُوِقِيٍ مَلِ بَلٌي قٍ رَ.

²⁸نَ كُي، ﭑ نَ فّ نَ وَلِ رَ، ﭑ يِ كْبِرِ سٌ عٍ يِ دَنشَنِيَتْييٍ بَرَ نَشَن نَسَنبَ، ﭑ دَنفِمَ وٌ يِرٍ سِفَقٍ رَ سِثَنيِ بْشِ مَ.

²⁹ﭑ عَ كٌلٌن ﭑ تٌ سِفَقٍ وٌ يِرٍ، نَ قِندِ مَ عَلَ شَ مِشِ سُفَندِشِ شَ بَرَكّ نَن نَ وٌ بّ.

³⁰ﭑ نفَشَكٍرٍنيِيٍ، ﭑ بَرَ وٌ مَيَندِ وٌن مَرِفِ عِسَ عَلَ شَ مِشِ سُفَندِشِ شَ قٍ رَ، عَ نُن شَنُنتٍيَ شَ قٍ رَ نَشَن كٍلِمَ عَلَ شَشِلِ سّنِيّنشِ مَ، وٌ شَ ﭑ مَلِ، وٌ شَ وَكِلِ ﭑ بّ عَلَ مَشَندِ كُي.

³¹وٌ عَلَ مَشَندِ ﭑ بّ عَ شَ ﭑ نَتَنفَ يُدَيَ دَنشَنِيَتَرٍيٍ مَ، عَ نُن مَن، دَرِ سَلَمُ سّنِيّنتْييٍ شَ حّلّشِن عٍ مَلِسٍ رَ ﭑ سِفَقٍ نَشَن نَ عٍ شْن.

³²نَ كُي، شَ عَلَ تِن، ﭑ وٌ يِرٍ لِمَ سّيوّ كُي، وٌن نْ وٌن بٌرٍ سّنبّ سٌدٍ.

³³عَلَ، عَ تَن نَشَن بْحّسَ قِمَ، عَ شَ لُ وٌ بِرِن سّيتِ مَ. عَمِنَ.