رْ مَ 11:13-21

¹³ﭑ شَ قَ وْيّن وٌ بّ، وٌ تَن نَشٍيٍ مُ قِندِشِ عِسِرَيِلَكَيٍ رَ. ﭑ تٌ قِندِشِ شّيرَ رَ وٌ تَن سِ فبّتّيٍ بّ، ﭑ سّيوَ مَ نّ ﭑ مَ وَلِ رَ، ﭑ عَ مَتْشْ،

¹⁴عَلَكٌ تّمُندٍ نَ شَ عَ نِيَ ﭑ بٌورٍ يُوِقِيٍ شَ مِلَ ﭑ مَ مَسٍنيِ مَ، ندٍيٍ شَ نْ كِسِدٍ عٍ يَ مَ.

¹⁵عَلَ عَ كٌبٍ سٌقٍ عٍ رَ، شَ نَ بَرَ عَ نِيَ لَنيِ شَ سٌ عَلَ نُن دُنِحَ تَفِ، عَ دِ، عَلَ عٍ رَفبِلٍنقٍ عَ يّتّ مَ، نَ مُ لُمَ شّ عَلْ مِشِ نَ رَكٍلِ قَشَمِشِيٍ يَ مَ؟

¹⁶شَ سَنسِ شْرِ شُن سِنفٍ بَرَ قِ عَلَ مَ، عَ دْنشْي بِرِن بَرَ قِندِ عَ فبٍ رَ. شَ وُرِ بِلِ سَنكٍ بَرَ قِ عَلَ مَ، عَ سَلٌنيِيٍ قَن بَرَ قِندِ عَ فبٍ رَ.

¹⁷عَ لُشِ نّ عَلْ عٌلِوِ بِلِ سَلٌنيِ ندٍيٍ نَ شَبَ عَ بِلِ مَ عَلَكٌ وُلَ عٌلِوِ سَلٌنيِيٍ شَ دَقُ نَ شَبَدٍ رَ. عِ تَن مِسَالِشِ نَ وُلَ عٌلِوِ سَلٌنيِ نَن نَ، نَشَن بَلٌمَ نَ عٌلِوِ بِلِ سَابُي رَ، عِ دَقُشِ نَشَن نَ.

¹⁸نَ كُي، عِ نَشَ عِ يّتّ عِفبٌ نَ سَلٌنيِ شَبَشِيٍ مَ. بٍينُن عِ شَ عِ يّتّ عِفبٌ، عِ مَحْشُن سِندٍن، عَ عِ تَن شَ مُ وُرِ بِلِ سَنكٍ رَبَلٌشِ. وُرِ بِلِ سَنكٍ نَن عِ تَن نَبَلٌشِ.

¹⁹كْنْ عِ قَمَ نّ عَ قَلَدٍ، «وُرِ سَلٌنيِيٍ شَبَشِ نّ عَلَكٌ ﭑ تَن شَ دَقُ عٍ شَبَدٍ رَ.»

²⁰نْندِ نَ عَ رَ. عٍ شَبَ عٍ شَ دَنشَنِيَتَرٍحَ نَن مَ، عِ قَن دَقُشِ نَا عِ شَ دَنشَنِيَ نَن مَ قٍ رَ. كْنْ عِ نَشَ عِ يّتّ عِفبٌ. عِ حَن شَ فَاشُ،

²¹بَرِ مَ شَ عَلَ مُ عٌلِوِ بِلِ قَنيِ سَلٌن سِنفٍيٍ لُ نَ، عَ مُ عِ قَن لُمَ نَ دٍ!