تَرُشُي 7:38-53

³⁸وٌن بٍنبَيٍ حَمَ عٍ تٌ نُ مَلَنشِ فبٍنفبٍرٍنيِ مَ، مَلٍكّ نَشَ وْيّن عَننَبِ مُنسَ بّ سِنَيِ فٍيَ قَرِ. عَ سّرِيّ نَشَن مّشِ، عَ نَشَ نَ رَدَنفِ وٌن مَ.»

³⁹«كْنْ وٌن بٍنبَيٍ مُ تِن عَ شَ يَامَرِ سُشُدٍ. عٍ نَشَ عَ مَتَندِ، عٍ عٍ بْحّ تِ مِسِرَ رَ.

⁴⁰عٍ نَشَ عَ قَلَ هَرُنَ بّ، ‹عَلَيٍ يَءِلَن وٌن بّ، نَشٍيٍ حّرّ مَ وٌن يَ رَ، بَرِ مَ يِ مُنسَ نَشَن وٌن نَمِنِشِ مِسِرَ، وٌن مُ عَ كٌلٌن سٍ نَشَن عَ سْتْشِ.›

⁴¹عٍ نَشَ كُيٍ يَءِلَن نِنفٍ مِسَالِ رَ، عٍ قَ سّرّشّ بَ عَ بّ. عٍ نَشَ حّلّشِن نَ رَ، عٍ نَشَن يَءِلَنشِ عٍ بّلّشّيٍ رَ.»

⁴²«عَوَ، عَلَ نَشَ عَ كٌبٍ سٌ عٍ رَ، عَ نَشَ عٍ رَبٌلٌ، عٍ شَ تُنبُييٍ بَتُ، عَلْ عَ سّبّشِ نَمِحْنمّ شَ كِتَابُي كُي كِ نَشّ. ‹عِسِرَيِلَ بْنسْي، وٌ سّرّشّيٍ بَ ﭑ تَن نَن بّ حّ تٌنفٌ نَانِ بُن مَ فبٍنفبٍرٍنيِ مَ؟

⁴³وٌ بَرَ مْلْكْ كُيٍ بَتُ، وٌ بَرَ رٍ مٍقَن تُنبُي كُيٍ بَتُ، وٌ كُيٍ نَشٍيٍ يَءِلَنشِ وٌ بّلّشّ رَ. نَ نَن عَ تٌشِ ﭑ قَن وٌ شَنِنمَ بَبِلْن شَنبِ رَ.›»

⁴⁴«عَلَ شَ هْرْ مْلِنفِرَ، عَ شَ سٍيدٍحْشْيَ سّبّلِ نَ دّننَشّ، نَ نُ نَ وٌن بٍنبَيٍ تَفِ فبٍنفبٍرٍنيِ مَ. عَلَ نُ بَرَ عَ مِسَالِ مَسٍن عَننَبِ مُنسَ بّ، عَ نَشَ عَ يَامَرِ عَ شَ عَ يَءِلَن نَ كِ.

⁴⁵وٌن بٍنبَيٍ تٌ هْرْ مْلِنفِرَ سْتْ، عٍ نَشَ عَ شَنِن بْشِ مَ عَلَ سِ فبّتّيٍ كٍرِ دّننَشّ، يٌسُوٍ شَ يَامَرِ بُن مَ. عَ نَشَ لُ نَا هَن دَوُدَ شَ وَشَتِ.»

⁴⁶«دَوُدَ نَشَن نَقَنشِ عَلَ مَ، نَ نَشَ عَ مَشْرِن عَ شَ لِنفِرَ تِ عَ تَن يَشُبَ مَرِفِ عَلَ بّ.

⁴⁷كْنْ سُلٍمَنِ نَن قَ نَ لِنفِرَ تِ عَلَ بّ.

⁴⁸كْنْ عَلَ شِلِ شُنفبٍ كَنيِ مُ سَبَتِمَ عَدَ مَ شَ بَنشِ تِشِ كُي. نَمِحْنمّ نَ نَن مَسٍنشِ،

⁴⁹‹وٌ مَرِفِ نَشّ، كٌورٍ، ﭑ مَ كِبَنيِ، بْشِ، ﭑ سَنتِدٍ. وٌ بَنشِ مُندُن تِمَ ﭑ بّ؟ وٌ يِرٍ مُندُن قِندِ مَ ﭑ مَ مَلَبُدٍ رَ؟

⁵⁰ﭑ تَن شَ مُ نَ بِرِن يَءِلَنشِ؟›»

⁵¹«وٌ شَشِلِ نُن وٌ تُلِ شْرْشْ، وٌ سٌندٌنيِ مُ قَن. وٌ عَلَ شَشِلِ سّنِيّنشِ مَتَندِ مَ تّمُي بِرِن عَلْ وٌ بٍنبَيٍ عَ رَبَ كِ نَشّ.

⁵²وٌ بٍنبَيٍ نَمِحْنمّيٍ بِرِن حَشَنكَتَ نّ. عٍ نَمِحْنمّيٍ قَشَ نّ، نَشٍيٍ نُ عَلَ شَ تِنشِنتْي شَ قَقٍ قَلَمَ. يَكْسِ وٌ بَرَ نَ قَن قَشَ.

⁵³وٌ تَن نَشٍيٍ بَرَ عَلَ شَ سّرِيّ سْتْ مَلٍكّيٍ سَابُي رَ، وٌ مُ عَ رَبَتُشِ!»