تَرُشُي 21:19-33

¹⁹عَ تٌ فّ عٍ شّيبُدٍ، ثْلُ نَشَ عَ شَ وَلِ دّنتّفّ سَ عَلَ نَشَن نَبَشِ سِ فبّتّيٍ تَفِ عَ سَابُي رَ.

²⁰عٍ تٌ نَ مّ، عٍ نَشَ عَلَ مَتْشْ. عٍ نَشّ، «مُشُ نفَشَكٍرٍنيِ، عِ بَرَ عَ تٌ يُوِقِ وُلُ وُيَشِ بَرَ دَنشَنِيَ، كْنْ عٍ مَن عٍ تُننَبّشِشِ بِرَقٍ عَننَبِ مُنسَ شَ سّرِيّ قْشْ رَ.

²¹مِشِ ندٍيٍ بَرَ عَ قَلَ عٍ بّ عَ عِ يُوِقِيٍ شَرَنمَ، نَشٍيٍ نَ سِ فبّتّيٍ يَ مَ، عَ عٍ شَ فبِلٍن عَننَبِ مُنسَ شَ سّرِيّيٍ قْشْ رَ، عَ عٍ نَشَ عٍ شَ دِيٍ سُننَ، عَ عٍ نَشَ بِرَ يُوِقِيٍ شَ نَامُنيِيٍ قْشْ رَ.»

²²«وٌن نَ مَ دِ؟ سِيكّ يٌ مُ نَ، حَمَ عَ كٌلٌنمَ نّ عَ عِ بَرَ قَ.

²³نَ نَ عَ رَ، مُشُ نَشَن قَلَمَ عِ بّ عِ شَ عَ رَبَ. مِشِ نَانِ نَ مُشُ يَ مَ، نَشٍيٍ بَرَ لَايِدِ تٌنفٌ عَلَ بّ.

²⁴عِ شَ كَقُ عٍ مَ، وٌ بِرِن شَ وٌ يّتّ رَ سّنِيّن، عِ مَن شَ عٍ سَرٍ قِ، عٍ شَ عٍ شُنيِ بِ. نَ نَ عَ رَ بِرِن عَ كٌلٌنمَ عَ مِشِيٍ نَشَن قَلَشِ عِ شُن مَ، وُلٍ نَ عَ رَ. عٍ شَ عَ كٌلٌن عِ قَن بِرَشِ عَننَبِ مُنسَ شَ سّرِيّ نَن قْشْ رَ.

²⁵مُشُ نَشَ نَتّ تٌنفٌ، مُشُ مَن قَ نَ سّبّ. دَنشَنِيَتْييٍ نَشٍيٍ كٍلِ سِ فبّتّيٍ مَ، عٍ نَشَ سُبٍ دٌن نَشَن بَشِ سّرّشّ رَ كُيٍيٍ بّ، نُن سُبٍ يُقَشِيٍ. عٍ نَشَ وُلِ قَن مِن. عٍ مَن نَشَ يّنّ قَن نَبَ.»

²⁶عَوَ نَ كُيٍ عِبَ، ثْلُ نَشَ نَ مِشِيٍ تٌنفٌ، عٍ نَشَ عٍ يّتّ رَ سّنِيّن. نَ شَنبِ عَ نَشَ سٌ هْرْ مْبَنشِ كُي، عَ شَ عَ مَسٍن، مَرَ سّنِيّنيِ رَكَمَلِمَ لْشْي نَشَن مَ، عَ نُن سّرّشّ نَشَن بَمَ كَنكَن بّ.

²⁷نَ شِ سٌلٌقٍرٍ رَحْنيِ، يُوِقِيٍ عَسِكَيٍ تٌ ثْلُ تٌ هْرْ مْبَنشِ كُي، عٍ نَشَ حَمَ بِرِن يَ عِسٌ، عٍ مَن نَشَ ثْلُ سُشُ.

²⁸عٍ نُ سْنشْي رَتٍ، «عِسِرَيِلَكَيٍ، وٌ مُشُ مَلِ! نَ شّمّ نَن يِ كِ نَشَن كَوَندِ حَاشِ رَبَمَ يِرٍ بِرِن مِشِ بِرِن بّ، يُوِقِيٍ، نُن عَننَبِ مُنسَ شَ سّرِيّ، نُن يِ هْرْ مْبَنشِ شَ قٍ رَ. عَ مَن بَرَ فِرّكِكَيٍ رَ سٌ هْرْ مْبَنشِ كُي. نَ بَرَ يِ يِرٍ سّنِيّنشِ قِندِ يِرٍ سّنِيّنتَرٍ رَ.»

²⁹عٍ نَ قَلَ نّ بَرِ مَ عٍ نُ بَرَ ثْلُ نُن تِرٌقِمٌ عٍقّسّكَ تٌ عٍ بٌورٍ قْشْ رَ تَا كُي. عٍ نَشَ عَ مَحْشُن عَ ثْلُ عَ رَ سٌ نّ هْرْ مْبَنشِ كُي.

³⁰تَا كُي بِرِن يَ نَشَ عِسٌ. مِشِيٍ نَشَ قَ عٍ فِ رَ كٍلِ يِرٍ بِرِن. عٍ نَشَ ثْلُ سُشُ، عٍ نَشَ مِنِ عَ بُبُ رَ تَندٍ مَ. عٍ نَشَ نَادّيٍ رَفَلِ كٍرٍن نَ.

³¹عٍ نُ وَ مَ ثْلُ قَشَقٍ نّ. سْورِ مَنفّ نَشَ عَ كٌلٌن دَرِ سَلَمُ بِرِن يَ عِسٌشِ.

³²سْورِ مَنفّ نَشَ سْورِيٍ نُن عٍ شَ شُنمَتِيٍ تٌنفٌ، عٍ سِفَ ثْلُ قْشْ رَ كٍرٍن نَ. حَمَ تٌ سْورِيٍ تٌ، عٍ نَشَ بَ ثْلُ بْنبْقٍ.

³³عَوَ، سْورِ مَنفّ نَشَ يَامَرِ قِ عٍ شَ عَ شِرِ يْلْنشْنيِ قِرِن نَ. عَ نَشَ مَشْرِنيِ تِ قَ ندٍ عَ رَ، نُن عَ مُنقٍ رَبَشِ.