تَرُشُي 15:19-36

¹⁹«نَ نَ عَ رَ، عَ مُ لَنمَ عَ شَ قِندِ قٍ شْرْشْي رَ سِ فبّتّيٍ بّ نَشٍيٍ وَ مَ بِرَقٍ عَلَ قْشْ رَ.

²⁰كْنْ وٌن شَ بَتَاشّ سّبّ عٍ مَ، عٍ نَشَ سٍيٍ دٌن نَشٍيٍ بَشِ سّرّشّ رَ كُيٍيٍ بّ. عٍ مَن شَ بَ يّنّ مَ، عَ نُن عٍ نَشَ سُبٍ يُقَشِ دٌن، عٍ مَن نَشَ وُلِ مِن.

²¹بَرِ مَ كَبِ وٌن بٍنبَيٍ شَ وَشَتِ، مِشِيٍ نَ تَا بِرِن كُي، نَشٍيٍ عَننَبِ مُنسَ شَ سّرِيّ شَرَنمَ سَلِدٍيٍ كُي مَلَبُ لْشْي.»

²²عَوَ، شّيرَيٍ نُن كُنتِفِيٍ نُن دَنشَنِيَتْي حَمَ بِرِن نَشَ لَن عَ مَ عٍ شَ مِشِ ندٍيٍ شّي عَنتِيْكِ، نَشٍيٍ ثْلُ نُن بَرَنَبَسِ مَتِمَ. عٍ نَشَ يُدَ سِ نَشَن شِلِ بَرَ سَبَ، نُن سِلَسِ سُفَندِ، شّمّ بِنيٍيٍ نفَشَكٍرٍنيِيٍ يَ مَ.

²³عٍ نَشَ بَتَاشّ كٍرٍن سٌ عٍ يِ رَ نَشَن سّبّشِ، «شّيرَيٍ نُن كُنتِفِيٍ، نَشٍيٍ لَنشِ وٌ نفَشَكٍرٍنيِيٍ مَ، كَتَرَبِ وٌن نفَشَكٍرٍنيِيٍ مَ سِ فبّتّيٍ يَ مَ، نَشٍيٍ نَ عَنتِيْكِ، سِرِيَ، نُن سِلِسِ، مُشُ بَرَ وٌ شّيبُ.

²⁴مُشُ بَرَ عَ مّ عَ مِشِ ندٍيٍ نَشٍيٍ كٍلِشِ مُشُ يَ مَ، مُشُ مُ حُنفُي سَشِ نَشٍيٍ مَ، عَ نٍيٍ بَرَ وٌ رَكْنتْقِلِ عٍ شَ وْيّنيِ رَ. عٍ بَرَ وٌ بْحّ عِقُ.»

²⁵«نَ نَ عَ رَ، مُشُ بَرَ لَن عَ مَ مُشُ شَ شّيرَيٍ شّي وٌ مَ، سَ ثْلُ نُن بَرَنَبَسِ قَرِ، مُشُ شَنُنتٍنيِيٍ،

²⁶نَشٍيٍ بَرَ مّي عٍ نِي رَ وٌن مَرِفِ عِسَ شَ قٍ رَ، عَلَ شَ مِشِ سُفَندِشِ.

²⁷مُشُ بَرَ يُدَ سِ نُن سِلَسِ قَن شّي، نَشٍيٍ يِ قٍيٍ تَفِ رَبَمَ وٌ بّ.

²⁸عَلَ شَشِلِ سّنِيّنشِ نُن مُشُ تَن بَرَ لَن عَ مَ مُشُ نَشَ كٌتٍ فبّتّ دْشْ وٌ شُن قٌ نَشَن دَشَ.

²⁹عَ تَن نَن يِ كِ؛ وٌ نَشَ سُبٍ دٌن نَشَن بَشِ سّرّشّ رَ كُيٍيٍ بّ، نُن سُبٍ يُقَشِيٍ، وٌ نَشَ وُلِ قَن مِن. وٌ مَن نَشَ يّنّ قَن نَبَ. وٌ لَن وٌ شَ فبِلٍن يِ قٍ بِرِن قْشْ رَ. وٌ سَلَمُ.»

³⁰عَوَ، عٍ تٌ بَرَ عٍ حُنفُ حَمَ مَ، عٍ نَشَ سِفَ عَنتِيْكِ، عٍ نَشَ سَ بَتَاشّ سٌ دَنشَنِيَتْي حَمَ يِ رَ.

³¹نفَشَكٍرٍنيِيٍ تٌ عَ شَرَن، عٍ نَشَ حّلّشِن، عٍ نَشَ لِمَنِيَ.

³²يُدَ سِ نُن سِلَسِ، نَشٍيٍ يَتِ نُ قِندِشِ نَمِحْنمّيٍ رَ، عٍ نَشَ عٍ كَوَندِ، عٍ نُ عٍ رَلِمَنِيَ وْيّن وُيَشِ رَ.

³³وَشَتِ ندٍ تٌ دَنفِ، عٍ نفَشَكٍرٍنيِيٍ نَشَ عٍ بّحِن بْحّسَ كُي فبِلٍنقٍ عٍ شّيمَيٍ مَ.

³⁴كْنْ سِلَسِ تَن نَشَ لُ نَا.

³⁵ثْلُ نُن بَرَنَبَسِ نَشَ لُ عَنتِيْكِ، عٍ نُن عٍ بٌورٍ وُيَشِ عٍ نُ قَ مِشِيٍ شَرَن، عٍ مَن نُ مَرِفِ شَ شِبَارُ قَنيِ كَوَندِ تِ.

³⁶لْشْي ندٍيٍ تٌ دَنفِ، ثْلُ نَشَ عَ قَلَ بَرَنَبَسِ بّ، «وٌن شَ فبِلٍن تَا بِرِن كُي وٌن مَرِفِ شَ مَسٍنيِ كَوَندِشِ دّننَشّ، وٌن شَ عَ مَتٌ وٌن نفَشَكٍرٍنيِيٍ دَنشَنِيَتْييٍ نَ كِ نَشّ نَا.»