Taruxui 11:5-19 in Susu

⁵ A naxa a masen, «N nu na Yafa taa nan kui. N na Ala maxandife tɛmui naxɛ, n naxa laamatunyi to. Se nde naxan maniyaxi dugi xungbe ra, a xirixi a tunxun naanie ma, na naxa goro keli koore ma han n yire.

⁶ N naxa a igbɛ a fanyi ra. N naxa xurusee, wula subee, bubusee, nun xɔni birin to a kui.

⁷ Xui nde naxa a fala, ‹Piyɛri, keli, i sube nde faxa, i xa a don.›

⁸ Kɔnɔ n naxa a fala, ‹Ade, Marigi. N mu nu se raharamuxi don sinden, xa na mu a ra se sɛniyɛntare.›

⁹ Xui naxa wɔyɛn n bɛ a firin nde, ‹Ala bara naxan nasɛniyɛn i naxa a fala a sɛniyɛntare.›

¹⁰ Na naxa raba sanya saxan. Na xanbi, a birin man naxa te koore ma.»

¹¹ «Na tɛmui mixi saxan, naxee nu xɛɛxi n yire kelife Sesare, e naxa ti muxu xa banxi naadɛ ra.

¹² Ala Xaxili naxa a masen n bɛ a muxu birin xa siga, a hali n mu siikɛ. Yi xɛmɛ senni naxee yi ki, e fan naxa n mati naa. Muxu to so Koroneliyo xɔnyi,

¹³ a naxa a yaba muxu bɛ a malekɛ toxi a xa banxi kui ki naxɛ. Malekɛ naxa a masen a bɛ, ‹Mixi xɛɛ Yafa, a xa fa Simɔn na, e naxan xili falama Piyɛri.

¹⁴ A fama masenyi tide i bɛ, i tan nun i xa mixi birin kisima naxan saabui ra.›»

¹⁵ «N to so wɔyɛnfe, Ala Xaxili Sɛniyɛnxi naxa goro e ma alɔ a goro won ma ki naxɛ a fɔlɛ.

¹⁶ N fa ratu Marigi xa masenyi ma, ‹Yaya bara mixi xunxa ye xɔɔra, kɔnɔ Ala Xaxili Sɛniyɛnxi fama gorode wo ma.›

¹⁷ Ala to bara e ki alɔ a won kixi ki naxɛ, won tan naxee danxaniyaxi Isa Ala xa Mixi Sugandixi ma, a nu lan n xa Ala matandi?»

¹⁸ E to na mɛ, e naxa dundu, e naxa Ala matɔxɔ, «Ala bara tuubi ragiri si gbɛtɛe fan bɛ, alako e fan xa kisi.»

¹⁹ Isa fɔxirabirɛ naxee yensen Etiyɛn faxa xanbi ɲaxankatɛ saabui ra, e naxa siga han Fenisiya, Sipiri, nun Antiyɔki. E nu Ala xa masenyi kawandima Yuwifie nan bɛ.

⁵ عَ نَشَ عَ مَسٍن، «ﭑ نُ نَ يَقَ تَا نَن كُي. ﭑ نَ عَلَ مَشَندِقٍ تّمُي نَشّ، ﭑ نَشَ لَامَتُنيِ تٌ. سٍ ندٍ نَشَن مَنِيَشِ دُفِ شُنفبٍ رَ، عَ شِرِشِ عَ تُنشُن نَانِيٍ مَ، نَ نَشَ فٌرٌ كٍلِ كٌورٍ مَ هَن ﭑ يِرٍ.

⁶ ﭑ نَشَ عَ عِفبّ عَ قَنيِ رَ. ﭑ نَشَ شُرُ سٍيٍ، وُلَ سُبٍيٍ، بُبُسٍيٍ، نُن شْنِ بِرِن تٌ عَ كُي.

⁷ شُي ندٍ نَشَ عَ قَلَ، ‹ثِيّرِ، كٍلِ، عِ سُبٍ ندٍ قَشَ، عِ شَ عَ دٌن.›

⁸ كْنْ ﭑ نَشَ عَ قَلَ، ‹عَدٍ، مَرِفِ. ﭑ مُ نُ سٍ رَهَرَ مُشِ دٌن سِندٍن، شَ نَ مُ عَ رَ سٍ سّنِيّنتَرٍ.›

⁹ شُي نَشَ وْيّن ﭑ بّ عَ قِرِن ندٍ، ‹عَلَ بَرَ نَشَن نَسّنِيّن عِ نَشَ عَ قَلَ عَ سّنِيّنتَرٍ.›

¹⁰ نَ نَشَ رَبَ سَنيَ سَشَن. نَ شَنبِ، عَ بِرِن مَن نَشَ تٍ كٌورٍ مَ.»

¹¹ «نَ تّمُي مِشِ سَشَن، نَشٍيٍ نُ شّيشِ ﭑ يِرٍ كٍلِقٍ سٍسَرٍ، عٍ نَشَ تِ مُشُ شَ بَنشِ نَادّ رَ.

¹² عَلَ شَشِلِ نَشَ عَ مَسٍن ﭑ بّ عَ مُشُ بِرِن شَ سِفَ، عَ هَلِ ﭑ مُ سِيكّ. يِ شّمّ سٍننِ نَشٍيٍ يِ كِ، عٍ قَن نَشَ ﭑ مَتِ نَا. مُشُ تٌ سٌ كٌرٌنٍلِيٌ شْنيِ،

¹³ عَ نَشَ عَ يَبَ مُشُ بّ عَ مَلٍكّ تٌشِ عَ شَ بَنشِ كُي كِ نَشّ. مَلٍكّ نَشَ عَ مَسٍن عَ بّ، ‹مِشِ شّي يَقَ، عَ شَ قَ سِمْن نَ، عٍ نَشَن شِلِ قَلَمَ ثِيّرِ.

¹⁴ عَ قَمَ مَسٍنيِ تِدٍ عِ بّ، عِ تَن نُن عِ شَ مِشِ بِرِن كِسِمَ نَشَن سَابُي رَ.›»

¹⁵ «ﭑ تٌ سٌ وْيّنقٍ، عَلَ شَشِلِ سّنِيّنشِ نَشَ فٌرٌ عٍ مَ عَلْ عَ فٌرٌ وٌن مَ كِ نَشّ عَ قْلّ.

¹⁶ ﭑ قَ رَتُ مَرِفِ شَ مَسٍنيِ مَ، ‹يَيَ بَرَ مِشِ شُنشَ يٍ شْورَ، كْنْ عَلَ شَشِلِ سّنِيّنشِ قَمَ فٌرٌدٍ وٌ مَ.›

¹⁷ عَلَ تٌ بَرَ عٍ كِ عَلْ عَ وٌن كِشِ كِ نَشّ، وٌن تَن نَشٍيٍ دَنشَنِيَشِ عِسَ عَلَ شَ مِشِ سُفَندِشِ مَ، عَ نُ لَن ﭑ شَ عَلَ مَتَندِ؟»

¹⁸ عٍ تٌ نَ مّ، عٍ نَشَ دُندُ، عٍ نَشَ عَلَ مَتْشْ، «عَلَ بَرَ تُوبِ رَفِرِ سِ فبّتّيٍ قَن بّ، عَلَكٌ عٍ قَن شَ كِسِ.»

¹⁹ عِسَ قْشِرَبِرّ نَشٍيٍ يٍنسٍن عٍتِيّن قَشَ شَنبِ حَشَنكَتّ سَابُي رَ، عٍ نَشَ سِفَ هَن قٍنِسِيَ، سِثِرِ، نُن عَنتِيْكِ. عٍ نُ عَلَ شَ مَسٍنيِ كَوَندِ مَ يُوِقِيٍ نَن بّ.