تَرُشُي 11:20-27

²⁰كْنْ سِثِرِكَيٍ نُن سِرٍنِكَيٍ نَشٍيٍ نُ نَ عٍ يَ مَ، عٍ تٌ سِفَ عَنتِيْكِ، عٍ نَشَ مَرِفِ عِسَ شَ شِبَارُ قَنيِ مَسٍن فِرّكِكَيٍ قَن بّ.

²¹مَرِفِ شْنيّ نُ نَ عٍ مَ. مِشِ فبٍفبٍ نَشَ دَنشَنِيَ، عٍ نَشَ تُوبِ مَرِفِ مَ.

²²دَرِ سَلَمُ دَنشَنِيَتْي حَمَ تٌ نَ قٍ مّ، عٍ نَشَ بَرَنَبَسِ شّي عَنتِيْكِ.

²³عَ تٌ سٌ نَا، عَ نَشَ حّلّشِن عَلَ شَ هِننّ تٌقٍ رَ. عَ نَشَ عٍ رَلِمَنِيَ، عٍ شَ دَنشَنِيَ مَرِفِ مَ.

²⁴بَرَنَبَسِ، مِشِ قَنيِ نَن نُ عَ رَ. عَ نُ رَقٍشِ دَنشَنِيَ نُن عَلَ شَشِلِ سّنِيّنشِ رَ. حَمَ فبٍفبٍ نَشَ دَنشَنِيَ مَرِفِ مَ.

²⁵نَ شَنبِ، بَرَنَبَسِ نَشَ سِفَ تَرِ سٍ سْلُ قٍندٍ.

²⁶عَ تٌ عَ تٌ، عَ نَشَ قَ عَ رَ عَنتِيْكِ. عٍ نُن دَنشَنِيَتْييٍ نَن نُ عٍ مَلَنمَ نَا حّ كٍرٍن بِرِن بُن مَ. عٍ نَشَ مِشِ فبٍفبٍ شَرَن. عِسَ قْشِرَبِرّ نَشٍيٍ نُ نَ عَنتِيْكِ، نٍيٍ نَن سِنفٍ «عِسَيَنكَ» شِلِ سْتْ.

²⁷نَ تّمُي، نَمِحْنمّ ندٍيٍ نَشَ فٌرٌ عَنتِيْكِ، كٍلِقٍ دَرِ سَلَمُ.