28 A to nu nuxui tife koore ma, n nu na. A to nu ye raminife sɛnbɛ ra bɔxi bun, n nu na.
29 A to nu naaninyi safe baa bɛ alako ye naxa fa banbaran ɲɛ, n nu na. A to nu duniɲa bunyi dɔxɔfe, n nu na.
30 N fan nu na a fɛ ma a malife ra, lɔxɔ yo lɔxɔ n findi a bɛ sɛɛwɛ nan na, n fa n ɲɛlɛxin a ya i tɛmui birin.
31 N ɲɛlɛxinxi a xa duniɲa daaxi nan na, a findixi n bɛ sɛɛwɛ ra lufe ra adamadie tagi.»
32 «Yakɔsi n ma die, wo wo tuli mati n na, sɛɛwɛ na mixi bɛ naxan birama n ma kira fɔxɔ ra.
33 Wo wo tuli mati n ma xaranyi ra, wo xa findi lɔnnilae ra. Wo naxa a rabolo de.