22 «Alatala naxa n daa a xa wali birin fɔlɛ ra.
23 N nu na kabi fɔlɛ, beenun bɔxi xa daa.
24 N bari tɛmui baa mu nu na, dulonyi mu nu na.
25 N bari nɛ beenun geyae xa mini,
26 beenun bɔxi nun fɔtɔnyi xa daa.
27 A to nu koore daafe, n nu na. A to nu koore walaxɛ italafe, n nu na.
28 A to nu nuxui tife koore ma, n nu na. A to nu ye raminife sɛnbɛ ra bɔxi bun, n nu na.
29 A to nu naaninyi safe baa bɛ alako ye naxa fa banbaran ɲɛ, n nu na. A to nu duniɲa bunyi dɔxɔfe, n nu na.
30 N fan nu na a fɛ ma a malife ra, lɔxɔ yo lɔxɔ n findi a bɛ sɛɛwɛ nan na, n fa n ɲɛlɛxin a ya i tɛmui birin.