9 Nde nɔma a falade, «Fe ɲaaxi yo mu n bɔɲɛ ma, n sɛniyɛnxi, yunubi yo mu na n ma?»
10 Sikeeli tinxintare mu rafan Alatala ma.
11 Fonike xa ɲɛrɛ ki tinxinxi a bɔɲɛ ki masenma nɛ.
12 Tuli naxan fe mɛma, ya naxan se toma, Alatala nan na birin daaxi.
13 Xixɔli naxa rafan i ma de, xa na mu a ra i findima setare nan na. I ya lanma a xa rasɛgɛ, alako i xa baloe sɔtɔ a fanyi ra.
14 Sareso nan a falama yulɛ bɛ, «Na sare mu fan n bɛ feo,» kɔnɔ a fa keli na xun ma a yɛtɛ matɔxɔfe ra.
