Taalie 10:16-29 in Susu

¹⁶ Tinxintɔɛ xa geeni findixi simaya nan na, mixi ɲaaxi sare findixi ɲaxankatɛ nan na.

¹⁷ Mixi naxan xurui fahaamuma, a tixi simaya kira nan xɔn, kɔnɔ naxan mɛɛma na marasi ra, a bɔnɔma nɛ.

¹⁸ Wule falɛ gbɛsɛnxɔnnɛya ragatama nɛ, xaxilitare nan mixi tɔɔɲɛgɛma.

¹⁹ Wɔyɛnyi rawuyafe nɔma mixi findide yunubitɔɛ ra, kɔnɔ xaxilima tan a dɛ suxuma nɛ.

²⁰ Tinxintɔɛ xa wɔyɛnyi tide gbo gbeti bɛ, kɔnɔ mixi ɲaaxi bɔɲɛ tide xurun.

²¹ Tinxintɔɛ xa marasi mixi raɲɛrɛma nɛ, kɔnɔ xaxilitare faxama lɔnnitareɲa nan kui.

²² Alatala xa barakɛ nan mixi bannama, mixi sɛnbɛ mu sese sama na fari.

²³ Fe ɲaaxi rafan mixi kobi ma, kɔnɔ lɔnni rafan xaxilima ma.

²⁴ Mixi ɲaaxi hɛnmɛma fe naxan na, na nan a lima. Mixi tinxinxi waxɔnfe, Ala nan na nabama a bɛ.

²⁵ Fe xɔrɔxɔɛ na fa, mixi ɲaaxi yo mu tima, kɔnɔ tinxintɔɛ tan tima nɛ abadan.

²⁶ Muluxunyi fe naxan niyama mixi ɲinyi ra, tuuri fe naxan niyama mixi ya ra, tunnaxɔnɛ fan na nan niyama a xɛɛma ra.

²⁷ Alatala xa yaragaaxui simaya nan fima mixi ma, kɔnɔ mixi ɲaaxie xa simaya xɔn mu kuya.

²⁸ Mixi tinxinxie xa tina findima e bɛ sɛɛwɛ nan na, kɔnɔ mixi ɲaaxie xa tina findima e bɛ tɔɔrɛ nan na.

²⁹ Alatala xa kira findixi kantari nan na mixi tinxinxie bɛ, kɔnɔ a findixi halaki nan na tinxintaree bɛ.

¹⁶ تِنشِنتْي شَ فٍينِ قِندِشِ سِمَيَ نَن نَ، مِشِ حَاشِ سَرٍ قِندِشِ حَشَنكَتّ نَن نَ.

¹⁷ مِشِ نَشَن شُرُي قَهَامُمَ، عَ تِشِ سِمَيَ كِرَ نَن شْن، كْنْ نَشَن مّيمَ نَ مَرَ سِ رَ، عَ بْنْمَ نّ.

¹⁸ وُلٍ قَلّ فبّسّنشْننّيَ رَفَتَمَ نّ، شَشِلِتَرٍ نَن مِشِ تْوحّفّمَ.

¹⁹ وْيّنيِ رَوُيَقٍ نْمَ مِشِ قِندِدٍ يُنُبِتْي رَ، كْنْ شَشِلِمَ تَن عَ دّ سُشُمَ نّ.

²⁰ تِنشِنتْي شَ وْيّنيِ تِدٍ فبٌ فبٍتِ بّ، كْنْ مِشِ حَاشِ بْحّ تِدٍ شُرُن.

²¹ تِنشِنتْي شَ مَرَ سِ مِشِ رَحّرّ مَ نّ، كْنْ شَشِلِتَرٍ قَشَمَ لْننِتَرٍحَ نَن كُي.

²² عَلَتَلَ شَ بَرَكّ نَن مِشِ بَننَمَ، مِشِ سّنبّ مُ سٍسٍ سَمَ نَ قَرِ.

²³ قٍ حَاشِ رَقَن مِشِ كٌبِ مَ، كْنْ لْننِ رَقَن شَشِلِمَ مَ.

²⁴ مِشِ حَاشِ هّنمّمَ قٍ نَشَن نَ، نَ نَن عَ لِمَ. مِشِ تِنشِنشِ وَشْنقٍ، عَلَ نَن نَ نَبَمَ عَ بّ.

²⁵ قٍ شْرْشْي نَ قَ، مِشِ حَاشِ يٌ مُ تِمَ، كْنْ تِنشِنتْي تَن تِمَ نّ عَبَدَن.

²⁶ مُلُشُنيِ قٍ نَشَن نِيَمَ مِشِ حِنيِ رَ، تُورِ قٍ نَشَن نِيَمَ مِشِ يَ رَ، تُننَشْنّ قَن نَ نَن نِيَمَ عَ شّيمَ رَ.

²⁷ عَلَتَلَ شَ يَرَفَاشُي سِمَيَ نَن قِمَ مِشِ مَ، كْنْ مِشِ حَاشِيٍ شَ سِمَيَ شْن مُ كُيَ.

²⁸ مِشِ تِنشِنشِيٍ شَ تِنَ قِندِ مَ عٍ بّ سّيوّ نَن نَ، كْنْ مِشِ حَاشِيٍ شَ تِنَ قِندِ مَ عٍ بّ تْورّ نَن نَ.

²⁹ عَلَتَلَ شَ كِرَ قِندِشِ كَنتَرِ نَن نَ مِشِ تِنشِنشِيٍ بّ، كْنْ عَ قِندِشِ هَلَكِ نَن نَ تِنشِنتَرٍيٍ بّ.