6ויגידו שמים צדקו כי אלהים שפט הוא סלה׃
7שמעה עמי ואדברה ישראל ואעידה בך אלהים אלהיך אנכי׃
8לא על זבחיך אוכיחך ועולתיך לנגדי תמיד׃
9לא אקח מביתך פר ממכלאתיך עתודים׃
10כי לי כל חיתו יער בהמות בהררי אלף׃
11ידעתי כל עוף הרים וזיז שדי עמדי׃
12אם ארעב לא אמר לך כי לי תבל ומלאה׃
13האוכל בשר אבירים ודם עתודים אשתה׃
14זבח לאלהים תודה ושלם לעליון נדריך׃
15וקראני ביום צרה אחלצך ותכבדני׃
16ולרשע אמר אלהים מה לך לספר חקי ותשא בריתי עלי פיך׃
17ואתה שנאת מוסר ותשלך דברי אחריך׃
18אם ראית גנב ותרץ עמו ועם מנאפים חלקך׃
תְהִלִּים 50
תְהִלִּים 50:6-18