2כי כחציר מהרה ימלו וכירק דשא יבולון׃
3בטח ביהוה ועשה טוב שכן ארץ ורעה אמונה׃
4והתענג על יהוה ויתן לך משאלת לבך׃
5גול על יהוה דרכך ובטח עליו והוא יעשה׃
6והוציא כאור צדקך ומשפטך כצהרים׃
7דום ליהוה והתחולל לו אל תתחר במצליח דרכו באיש עשה מזמות׃
8הרף מאף ועזב חמה אל תתחר אך להרע׃
9כי מרעים יכרתון וקוי יהוה המה יירשו ארץ׃
10ועוד מעט ואין רשע והתבוננת על מקומו ואיננו׃
11וענוים יירשו ארץ והתענגו על רב שלום׃
תְהִלִּים 37
תְהִלִּים 37:2-11