17כי זרועות רשעים תשברנה וסומך צדיקים יהוה׃
18יודע יהוה ימי תמימם ונחלתם לעולם תהיה׃
19לא יבשו בעת רעה ובימי רעבון ישבעו׃
20כי רשעים יאבדו ואיבי יהוה כיקר כרים כלו בעשן כלו׃
21לוה רשע ולא ישלם וצדיק חונן ונותן׃
22כי מברכיו יירשו ארץ ומקלליו יכרתו׃
23מיהוה מצעדי גבר כוננו ודרכו יחפץ׃
24כי יפל לא יוטל כי יהוה סומך ידו׃
25נער הייתי גם זקנתי ולא ראיתי צדיק נעזב וזרעו מבקש לחם׃
26כל היום חונן ומלוה וזרעו לברכה׃
27סור מרע ועשה טוב ושכן לעולם׃
28כי יהוה אהב משפט ולא יעזב את חסידיו לעולם נשמרו וזרע רשעים נכרת׃