143צר ומצוק מצאוני מצותיך שעשעי׃
144צדק עדותיך לעולם הבינני ואחיה׃
145קראתי בכל לב ענני יהוה חקיך אצרה׃
146קראתיך הושיעני ואשמרה עדתיך׃
147קדמתי בנשף ואשועה לדבריך יחלתי׃
148קדמו עיני אשמרות לשיח באמרתך׃
149קולי שמעה כחסדך יהוה כמשפטך חיני׃
150קרבו רדפי זמה מתורתך רחקו׃
151קרוב אתה יהוה וכל מצותיך אמת׃
152קדם ידעתי מעדתיך כי לעולם יסדתם׃
153ראה עניי וחלצני כי תורתך לא שכחתי׃
154ריבה ריבי וגאלני לאמרתך חיני׃
155רחוק מרשעים ישועה כי חקיך לא דרשו׃
156רחמיך רבים יהוה כמשפטיך חיני׃
157רבים רדפי וצרי מעדותיך לא נטיתי׃
תְהִלִּים 119
תְהִלִּים 119:143-157