8סלסלה ותרוממך תכבדך כי תחבקנה׃
9תתן לראשך לוית חן עטרת תפארת תמגנך׃
10שמע בני וקח אמרי וירבו לך שנות חיים׃
11בדרך חכמה הרתיך הדרכתיך במעגלי ישר׃
12בלכתך לא יצר צעדך ואם תרוץ לא תכשל׃
13החזק במוסר אל תרף נצרה כי היא חייך׃
14בארח רשעים אל תבא ואל תאשר בדרך רעים׃
15פרעהו אל תעבר בו שטה מעליו ועבור׃
16כי לא ישנו אם לא ירעו ונגזלה שנתם אם לא יכשולו׃
17כי לחמו לחם רשע ויין חמסים ישתו׃
18וארח צדיקים כאור נגה הולך ואור עד נכון היום׃
19דרך רשעים כאפלה לא ידעו במה יכשלו׃
מִשְׁלֵי 4
מִשְׁלֵי 4:8-19