14אתה בשבט תכנו ונפשו משאול תציל׃
15בני אם חכם לבך ישמח לבי גם אני׃
16ותעלזנה כליותי בדבר שפתיך מישרים׃
17אל יקנא לבך בחטאים כי אם ביראת יהוה כל היום׃
18כי אם יש אחרית ותקותך לא תכרת׃
19שמע אתה בני וחכם ואשר בדרך לבך׃
20אל תהי בסבאי יין בזללי בשר למו׃
21כי סבא וזולל יורש וקרעים תלביש נומה׃
22שמע לאביך זה ילדך ואל תבוז כי זקנה אמך׃
23אמת קנה ואל תמכר חכמה ומוסר ובינה׃
24גול יגול אבי צדיק יולד חכם וישמח בו׃
25ישמח אביך ואמך ותגל יולדתך׃
26תנה בני לבך לי ועיניך דרכי תרצנה׃
מִשְׁלֵי 23
מִשְׁלֵי 23:14-26