12 ערות אחות אביך לא תגלה שאר אביך הוא׃
13 ערות אחות אמך לא תגלה כי שאר אמך הוא׃
14 ערות אחי אביך לא תגלה אל אשתו לא תקרב דדתך הוא׃
15 ערות כלתך לא תגלה אשת בנך הוא לא תגלה ערותה׃
16 ערות אשת אחיך לא תגלה ערות אחיך הוא׃
17 ערות אשה ובתה לא תגלה את בת בנה ואת בת בתה לא תקח לגלות ערותה שארה הנה זמה הוא׃
18 ואשה אל אחתה לא תקח לצרר לגלות ערותה עליה בחייה׃
19 ואל אשה בנדת טמאתה לא תקרב לגלות ערותה׃
20 ואל אשת עמיתך לא תתן שכבתך לזרע לטמאה בה׃
21 ומזרעך לא תתן להעביר למלך ולא תחלל את שם אלהיך אני יהוה׃
