Ϯ⳰ⲀⲠⲞⲔⲀⲖⲨⳘⲮⲒⲤ 12

1

2

3

4

5

6

7

8

9

10

11

12

13

14

15

16

17

18

19

20

21

22

¹ⲀⲨⲰ ⲞⲨⲚⲞϬ ⲘⲘⲀⲈⲒⲚ ⲀϤⲞⲨⲰⲚϨ ⲈⲂⲞⲖ ϨⲚ ⲦⲠⲈ ⲞⲨⲤϨⲒⲘⲈ ⲈⲤϬⲞⲞⲖⲈ ⲘⲠⲢⲎ ⲈⲢⲈ ⲠⲞⲞϨ ϨⲀ ⲠⲈⲤⲎⲦ ⲚⲚⲈⲤⲞⲨⲢⲎⲎⲦⲈ ⲈⲢⲈ ⲘⲚⲦⲤⲚⲞⲞⲨⲤ ⲚⲤⲒⲞⲨ ⲞⲚⲞⲨⲔⲖⲞⲘ ⲈϪⲚ ⲦⲈⲤⲀⲠⲎ

²ⲀⲨⲰ ⲈⲤⲈⲈⲦⲈⲤϮⲚⲀⲀⲔⲈ ⲈⲤⲀϢⲔⲀⲔ ⲈⲂⲞⲖ ⲈⲤϮⲚⲀⲀⲔⲈ ⲈⲘⲒⲤⲈ.

³ⲀϤⲞⲨⲰⲚϨ ⲈⲂⲞⲖ ⲚϬⲒ ⲞⲨⲘⲀⲈⲒⲚ ϨⲚ ⲦⲠⲈ ⲀⲨⲰ ⲈⲒⲤ ⲞⲨⲚⲞϬ ⲚⲆⲢⲀⲔⲰⲚ ⲈϤⲦⲢⲈϢⲢⲰϢ ⲈⲨⲚ ⲤⲀϢϤⲈ ⲚⲀⲠⲎ ⲘⲘⲞϤ ⲘⲚ ⲘⲎⲦ ⲚⲦⲀⲠ ⲀⲨⲰ ⲤⲀϢϤⲈ ⲚϬⲢⲎⲠⲈ ϨⲒϪⲚ ⲚⲈϤⲀⲠⲎⲨⲈ

⁴ⲀⲨⲰ ⲠⲈϤⲤⲀⲦ ⲀϤⲤⲰⲔ ⲘⲠⲞⲨ ⲚϢⲞⲘⲚⲦ ⲚⲈⲚⲤⲒⲞⲨ ⲚⲦⲠⲈ ⲀϤⲚⲞϪⲞⲨ ⲈϨⲢⲀⲒ ⲈϪⲘ ⲠⲔⲀϨ ⲀⲨⲰ ⲠⲈⲆⲢⲀⲔⲰⲚ ⲀϤⲀϨⲈⲢⲀⲦϤ ⲘⲠⲘⲦⲞ ⲈⲂⲞⲖ ⲚⲦⲈⲤϨⲒⲘⲈ ⲦⲀⲒ ⲈⲦⲚⲀⲘⲒⲤⲈ ϪⲈⲔⲀⲀⲤ ⲈⲤϢⲀⲚϪⲠⲈⲠⲈⲤϢⲎⲢⲈ ⲈϤⲈⲞⲨⲞⲘϤ.

⁵ⲀⲨⲰ ⲀⲤⲘⲒⲤⲈ ⲚⲞⲨϢⲢ ϨⲞⲞⲨⲦ ⲠⲀⲒ ⲈⲦⲚⲀⲘⲞⲞⲚⲈ ⲚⲈⲚϨⲈⲐⲚⲞⲤ ⲦⲎⲢⲞⲨ ϨⲚ ⲞⲨϬⲈⲢⲰⲂ ⲘⲠⲈⲚⲒⲠⲈ ⲀⲨⲰ ⲀⲨⲦⲰⲢⲠ ⲘⲠⲈⲤϢⲎⲢⲈ ϢⲀ ⲠⲚⲞⲨⲦⲈ ⲀⲨⲰ ϢⲀ ⲠⲈϤⲐⲢⲞⲚⲞⲤ.

⁶ⲦⲈⲤϨⲒⲘⲈ ⲆⲈ ⲀⲤⲠⲰⲦ ⲈϨⲢⲀⲒ ⲈⲦⲈⲢⲨⲘⲞⲤ ⲈⲨⲘⲀ ⲈⲀⲨⲤⲂⲦⲰⲦϤ ⲚⲀⲤ ⲈⲂⲞⲖ ϨⲒⲦⲘ ⲠⲚⲞⲨⲦⲈ ϪⲈ ⲈⲨⲈⲤⲀⲚⲞⲨϢⲤ ⲚϨⲎⲦϤ ⲘⲘⲚⲦⲤⲚⲞⲞⲨⲤ ⲚϢⲈ ⲘⲚ ⲤⲈ ⲚϨⲞⲞⲨ.

⁷ⲀⲨⲰ ⲀϤϢⲰⲠⲈ ⲚϬⲒ ⲞⲨⲠⲞⲖⲈⲘⲞⲤ ϨⲢⲀⲒ ϨⲚ ⲦⲠⲈ ⲘⲒⲬⲀⲎⲖ ⲘⲚ ⲚⲈϤⲀⲄⲄⲈⲖⲞⲤ ⲈⲨⲘⲒϢⲈ ⲘⲚ ⲠⲈⲆⲢⲀⲔⲰⲚ ⲀⲨⲰ ⲠⲈⲆⲢⲀⲔⲰⲚ ⲘⲚ ⲚⲈϤⲀⲄⲄⲈⲖⲞⲤ ⲈⲨⲘⲒϢⲈ

⁸ⲀⲨⲰ ⲘⲠⲞⲨⲈϢϬⲘϬⲞⲘ ⲞⲨⲆⲈ ⲘⲠⲞⲨϬⲚ ⲠⲈⲨⲘⲀ ϨⲚ ⲦⲠⲈ.

⁹ⲀⲨⲚⲞⲨϪ ⲘⲠⲈⲆⲢⲀⲔⲰⲚ ⲚⲞϬ ⲠϨⲞϤ ⲚⲀⲢⲬⲀⲒⲞⲤ ⲠⲈⲦⲞⲨⲘⲞⲨⲦⲈ ⲈⲢⲞϤ ϪⲈ ⲠⲆⲒⲀⲂⲞⲖⲞⲤ ⲀⲨⲰ ⲠⲤⲀⲦⲀⲚⲀⲤ ⲠⲈⲦⲠⲖⲀⲚⲀ ⲚⲦⲞⲒⲔⲞⲨⲘⲈⲚⲎ ⲦⲎⲢⲤ ⲀⲨⲚⲞϪϤ ⲈϨⲢⲀⲒ ⲈϪⲘ ⲠⲔⲀϨ ⲀⲨⲰ ⲚⲈϤⲀⲄⲄⲈⲖⲞⲤ ⲀⲨⲚⲞϪⲞⲨ ⲚⲘⲘⲀϤ.

¹⁰ⲀⲒⲤⲰⲦⲘ ⲈⲨⲚⲞϬ ⲚⲤⲘⲎ ⲈⲂⲞⲖ ϨⲚ ⲦⲠⲈ ⲈⲤϪⲰ ⲘⲘⲞⲤ ϪⲈ ⲦⲈⲚⲞⲨ ⲀϤϢⲰⲠⲈ ⲚϬⲒ ⲠⲞⲨϪⲀⲒ ⲘⲚ ⲦϬⲞⲘ ⲀⲨⲰ ⲦⲘⲚⲦⲢⲢⲞ ⲘⲠⲈⲚⲚⲞⲨⲦⲈ ⲀⲨⲰ ⲦⲈⲜⲞⲨⲤⲒⲀ ⲘⲠⲈϤⲬⲢⲒⲤⲦⲞⲤ ϪⲈ ⲀⲨⲚⲞⲨϪ ⲈⲠⲈⲤⲎⲦ ⲘⲠⲔⲀⲦⲎⲄⲞⲢⲞⲤ ⲚⲚⲈⲚⲤⲚⲎⲨ ⲠⲈⲦⲔⲀⲦⲎⲄⲞⲢⲈⲒ ⲘⲘⲞⲞⲨ ⲘⲠⲘⲦⲞ ⲈⲂⲞⲖ ⲘⲠⲚⲞⲨⲦⲈ ⲘⲠⲈϨⲞⲞⲨ ⲘⲚ ⲦⲈⲨϢⲎ.

¹¹ⲀⲨⲰ ⲚⲦⲞϤ ⲀϤϪⲢⲞ ⲈⲢⲞϤ ⲈⲦⲂⲈ ⲠⲈⲤⲚⲞϤ ⲘⲠⲈϨⲒⲈⲒⲂ ⲀⲨⲰ ⲈⲦⲂⲈ ⲠϢⲀϪⲈ ⲚⲦⲈⲨⲘⲚⲦⲘⲚⲦⲢⲈ ⲘⲠⲞⲨⲘⲈⲢⲈ ⲦⲈⲨⲮⲨⲬⲎ ϢⲀϨⲢⲀⲒ ⲈⲠⲘⲞⲨ

¹²ⲈⲦⲂⲈ ⲠⲀⲒ ⲈⲨⲪⲢⲀⲚⲈ ⲘⲠⲎⲨⲈ ⲘⲚ ⲚⲈⲦⲞⲨⲎⲎϨ ⲚϨⲎⲦⲞⲨ. ⲞⲨⲞⲒ ⲘⲠⲔⲀϨ ⲘⲚ ⲐⲀⲖⲖⲀⲤⲤⲀ ϪⲈ ⲀⲠⲆⲒⲀⲂⲞⲖⲞⲤ ⲈⲒ ⲈⲠⲈⲤⲎⲦ ϢⲀⲢⲰⲦⲚ ⲘⲚ ⲞⲨⲚⲞϬ ⲚϬⲰⲚⲦ ⲈϤⲤⲞⲞⲨⲚ ϪⲈ ⲔⲈⲔⲞⲨⲒ ⲚⲞⲨⲞⲈⲒϢ ⲠⲈⲦⲈ ⲞⲨⲚⲦⲀϤ ⲤϤ.

¹³ⲚⲦⲈⲢⲈϤⲚⲀⲨ ⲆⲈ ⲚϬⲒ ⲠⲈⲆⲢⲀⲔⲰⲚ ϪⲈ ⲀⲨⲚⲞϪϤ ⲈⲠⲈⲤⲎⲦ ⲈϪⲘ ⲠⲔⲀϨ ⲀϤⲠⲰⲦ ⲚⲤⲀ ⲦⲈⲤϨⲒⲘⲈ ⲚⲦⲀⲤϪⲠⲈ ⲠϢⲢ ϨⲞⲞⲨⲦ.

¹⁴ⲀⲨⲰ ⲀⲨϮ ⲚⲦⲈⲤϨⲒⲘⲈ ⲚⲦⲚϨ ⲤⲚⲀⲨ ⲚⲀⲈⲒⲦⲞⲤ ϪⲈⲔⲀⲀⲤ ⲈⲤⲈϨⲰⲖ ⲈⲂⲞⲖ ⲈⲦⲈⲢⲎⲘⲞⲤ ⲈⲠⲈⲤⲘⲀ ⲈⲦⲞⲨⲚⲀⲤⲀⲚⲞⲨϢⲤ ⲚϨⲎⲦϤ ⲚⲞⲨⲞⲈⲒϢ ⲘⲚ ϨⲈⲚⲞⲨⲞⲈⲒϢ ⲘⲚ ⲦⲠⲀϢⲈ ⲚⲞⲨⲞⲈⲒϢ ⲘⲠⲘⲦⲞ ⲈⲂⲞⲖ ⲘⲠϨⲞϤ.

¹⁵ⲀⲨⲰ ⲠϨⲞϤ ⲀϤⲚⲞⲨϪ ⲚⲞⲨⲘⲞⲞⲨ ⲈⲂⲞⲖ ϨⲚ ⲢⲰϤ ⲚⲐⲈ ⲚⲞⲨⲈⲢⲞ ϨⲒⲠⲀϨⲞⲨ ⲚⲦⲈⲤϨⲒⲘⲈ ϪⲈⲔⲀⲀⲤ ⲈϤⲈⲦⲢⲈⲤⲰⲘⲤ.

¹⁶ⲀⲨⲰ ⲀⲠⲔⲀϨ ⲂⲞⲎⲐⲈⲒ ⲈⲦⲈⲤϨⲒⲘⲈ ⲀⲨⲰ ⲀⲠⲔⲀϨ ⲞⲨⲰⲚ ⲚⲢⲰϤ ⲀϤⲰⲘⲔ ⲘⲠⲈⲒⲈⲢⲞ ⲈⲦⲈⲢⲈⲠⲈⲆⲢⲀⲔⲰⲚ ⲚⲞⲨϪ ⲘⲘⲞϤ ⲈⲂⲞⲖ ϨⲚ ⲦⲈϤⲦⲀⲠⲢⲞ.

¹⁷ⲀⲠⲈⲆⲢⲀⲔⲰⲚ ϬⲰⲚⲦ ⲈⲦⲈⲤϨⲒⲘⲈ ⲀϤⲂⲰⲔ ⲈⲈⲒⲢⲈ ⲚⲞⲨⲠⲞⲖⲈⲘⲞⲤ ⲘⲚ ⲠⲔⲈⲤⲈⲠⲎ ⲠⲈⲤⲠⲈⲢⲘⲀ ⲚⲀⲒ ⲈⲦϨⲀⲢⲈϨ ⲈⲚⲈⲚⲦⲞⲖⲎ ⲘⲠⲚⲞⲨⲦⲈ ⲘⲚ ⲦⲘⲚⲦⲘⲚⲦⲢⲈ ⲚⲒⲎⲤⲞⲨⲤ.

¹⁸ⲀⲨⲰ ⲀⲒⲀϨⲈⲢⲀⲦ ϨⲒϪⲘ ⲠϢⲰ ⲚⲐⲀⲖⲖⲀⲤⲤⲀ.