12 Anutuzi ine Bileam kecʒiŋuc âzâcnewec: “Go jaŋehec mi razemec, erâ ŋicguru keci jaŋe jambuŋ‐jopakicnere mi sâwec‐jopazemec.”
13 Iŋuc mume Bileam e furicte faharerâ Balake ŋicfâcne ʒiŋuc jazawec: “Wofuŋzi ŋoŋehec mi rapere qatara‐narejecte ŋoŋe mâreŋ‐ŋeŋicko risieniŋ.”
14 Iŋuc mume Moabi ŋic micne jaŋe fahare Balakerao risie rarâ ʒiŋuc âzâcnembiŋ: “Bileam e nâŋehec wareocte mi ecnekac.”
15 Eme Balake e harierâ ŋic fekicne bocjaha ʒâŋe biŋe sâkohec sorec‐jopame rambiŋ.
16 Rahuc juku Bileamtao fisirâ ʒiŋuc âzâcnembiŋ: “Ziporore ŋokâ Balake e ʒiŋuc mukac: ‘Go norao warezo etec wiac moczi aka moc mi hegarezejec.
