17 Mächä a akeni mächä, iei usun eman aramas a tongeni aöchüela pwal eman.
18 Eman mi tümwünü efoch irä fiik epwe mongö seni uan, nge eman chon angang mi tümwünü an samol epwe küna iteüöch.
19 Ngünüen won mesom me lon koluk a nönnöfengen me won mesom, iei usun leluken eman aramas a pwärala usun püsin i.
20 Ewe lenien sotup me ewe leni mi alolol resap fokun menemenöch, pwal ina usun aramas resap menemenöch.
21 Usun silifer me kolt a pwä öchün lon ewe lenien ketel, iei usun a pwä lapalapen eman aramas, lupwen eman a mwareiti.
22 Are kopwe wichi eman mi tiparoch tori a arap ngeni mäla, iei mwo nge an tiparoch esap towu seni.
23 Kopwe mamasaöchü o tümwünüöchü noum pwiin sip me kow,
24 pun wöü esap nonom tori feilfeilachök. Pwal ekewe mwü resap nonomola tori ekewe täppin aramas meinisin.
25 Are ewe fetil a itela, a pwal pwükütä fetil mi fö, are ekewe fetilipwas mi nom won ekewe chukuchukutä ra ioifengen,
26 mürin epwe wor ülöülen sip fän iten üfom, epwe pwal wor moni seni ekewe kuuch fän iten om kopwe möni eu fanü,
27 epwe pwal naf milik seni ekewe kuuch fän iten ünümemi me chon leimwom, pwal fän iten ünümen noum chon angang fefin.
