Än Salomon Fos 27:17-27

¹⁷Mächä a akeni mächä, iei usun eman aramas a tongeni aöchüela pwal eman.

¹⁸Eman mi tümwünü efoch irä fiik epwe mongö seni uan, nge eman chon angang mi tümwünü an samol epwe küna iteüöch.

¹⁹Ngünüen won mesom me lon koluk a nönnöfengen me won mesom, iei usun leluken eman aramas a pwärala usun püsin i.

²⁰Ewe lenien sotup me ewe leni mi alolol resap fokun menemenöch, pwal ina usun aramas resap menemenöch.

²¹Usun silifer me kolt a pwä öchün lon ewe lenien ketel, iei usun a pwä lapalapen eman aramas, lupwen eman a mwareiti.

²²Are kopwe wichi eman mi tiparoch tori a arap ngeni mäla, iei mwo nge an tiparoch esap towu seni.

²³Kopwe mamasaöchü o tümwünüöchü noum pwiin sip me kow,

²⁴pun wöü esap nonom tori feilfeilachök. Pwal ekewe mwü resap nonomola tori ekewe täppin aramas meinisin.

²⁵Are ewe fetil a itela, a pwal pwükütä fetil mi fö, are ekewe fetilipwas mi nom won ekewe chukuchukutä ra ioifengen,

²⁶mürin epwe wor ülöülen sip fän iten üfom, epwe pwal wor moni seni ekewe kuuch fän iten om kopwe möni eu fanü,

²⁷epwe pwal naf milik seni ekewe kuuch fän iten ünümemi me chon leimwom, pwal fän iten ünümen noum chon angang fefin.