7 Loke dia koimata, loke tie tuturaṉa babe na palabatu,
8 ba hata varigara ginani si arini totoso maṉini sa popoa, meke qireqire nia arini sa totoso ibu.
9 Agoi na tie hakohako, vea seunae gua si kote puta goi? Totoso sa si kote tekulu goi?
10 Na puta hite, opo hite mata, polo hitei sari lima pude magogoso,
11 gua hoi si raza mo sa hinabahuala, guana tie hikohikona, minalaṉa si rapata guana keke kana.
