1 Na pozapoza leana si ta okoraena hola, hola nia sa tinagotago nomana; meke pude ta pamaṉae si leana hola nia sa siliva na qolo.
2 Sa tie tagotago meke tie malaṉa si kekeṉoṉo nia rini sapu guahe: Zihova mo si tavete beto i sari karua.
3 Sa tie balabala valeana si dogoria sa tinasuna meke tome; ba sa tie pupuhuna si totoro la meke ta raza nia sa.
4 Na vina pepekae meke pinamaṉa la koe Zihova si va kamo tinago, vina lavata, meke na tinoa gelenae.
