2 ò n gbɛ̃kɛ baba kↄnkↄ, ò n náanikɛyã o gwãani,
3 ò n táaki lɛ́ kũ mↄrↄↄo kũ gidigboo kũ kontigiio.
4 N yãkɛnanↄ dì ma pↄ kɛ nna, Dikiri, madì ayuwii kɛ n ↄzĩkɛnanↄa.
5 Dikiri, n yãkɛnanↄn zↄ̃kↄ̃ manamana, n laasunnↄn zã̀ à kɛ̀ zↄ̃kↄ̃.
6 Yↄ̃nkↄ yã pì dↄ̃ro, mìsaride ni fↄ̃ à dↄ̀rↄ dↄ̃ro.
7 Bee tó gbɛ̃ vãninↄ fùtɛ ò gbã̀ lán sɛ̃̀ɛ bà akũsↄ̃ yãvãnikɛrinↄ karana lè ń pínki, ń zia bi kakatɛna lakanasarimɛ.
8 Mↄkↄ̃n sↄ̃ Dikiri, ndìgↄ̃ kú musu gↄrↄ sĩnda pínki.
9 Ǹ gwa, n ibɛrɛnↄ tɛn láka, vãnikɛrinↄ tɛn fãkↄ̃a ń pínki.
10 N ma gba gbãna lán zùsɛ̃ntɛ bà, n nísi mana kù ma mìia.
