11 Ǹ n zɛ́ mↄmɛnɛ, Dikiri, manigↄ̃ táa o n yãpura gũn, ǹ ma laasun kɛmɛnɛ do, de màgↄ̃ n vĩna vĩ.
12 Mani n sáabu kpá kũ nɛ̀sɛdoo, Dikiri ma Luda, manigↄ̃ n tↄ́ bo gↄrↄ sĩnda pínki.
13 Zaakũ gbɛ̃kɛ kũ n kɛ̀mɛnɛ zↄ̃kↄ̃, n ma wɛ̃̀ndii sì gyãwãn lↄ̀n.
14 Luda, karambaanidenↄ tɛn futɛmai, gbɛ̃ pãsĩnↄ tɛni ma wɛ, òdi n yã daro.
15 Mↄkↄ̃n Dikiri, Luda wɛ̃ndadↄ̃nnɛrimɛ n ũ, ń sùru vĩ akũsↄ̃ n pↄ dì fɛ̃ likalikaro, n gbɛ̃kɛ kũ n náanio zↄ̃kↄ̃.
16 Ǹ arɛ dↄma ǹ ma wɛ̃nda gwa, ǹ n zↄ̀bleri gba gbãna, ǹ makũ n zↄ̀nↄkpare nɛ́ sura ba.
