3 À kuru pɛ́ mↄ dufu bonaao, à pɛ́ tó mↄ kɛ̀ papana ó dikpɛgↄrↄ,
4 zaakũ à de doka ũ Isarailanↄnɛmɛ, yã kũ Yakubu burinↄ Luda dìtɛn gwe.
5 À yã pìi dà Yusufu burinↄnɛ gↄrↄ kũ à vĩ̀ Misila bùsula. Ò kòto kũ ò dↄ̃ro mà à pì:
6 Ma aso gò á gã̀aa, ma á ↄ bò ɛ̃bona zĩn.
7 A ↄ́ↄ dↄ̀mɛnɛ warikɛgↄrↄa, akũ ma á bó, ma weáwa zaa legũvĩnaa gũn, ma á lɛ́ ma á gwá zaa Mɛriba í kĩnaa.
8 À sã kpá ma gbɛ̃nↄ, mani lɛ́ daáwa, ákↄ̃nↄ Isarailanↄ, tó áni ma yã ma dé!
