ZABURA 78:2-12 in Busa

²Mani yã oárɛ kũ yáasio, mani yã kũ à utɛna zaa zĩ bↄkↄtɛárɛ,

³yã kũ o mà akũsↄ̃ ó dↄ̃, yã kũ ó denↄ bàbawɛrɛ.

⁴Óni yã pì utɛ ó nɛ́nↄnɛro, óni Dikiri táakilɛna da ó daikorenↄnɛ, a gbãna kũ yãbonsarɛ kũ à kɛ̀nↄ.

⁵À yã dìtɛ Yakubu burinↄnɛ, à a doka dà Isarailanↄnɛ, à dìtɛ ó dizinↄnɛ ò tó ń nɛ́nↄ dↄ̃,

⁶de à gↄ̃ ń buri kũ ò kpɛ́nↄnɛ futɛokarayã ũ, gbasa ò futɛ ò dada ń nɛ́nↄnɛ se,

⁷de ò le ò Luda náani kɛ, a yãkɛnanↄ sún sãńguro, ama onigↄ̃ a yãditɛnanↄ kũna.

⁸Ògↄ̃ de lán ń dizinↄ bàro, zaakũ ò sãgbãna kɛ̀ ò gì Luda yãi, ń swɛ̃̀ kú Ludaaro, ò yãpura vĩnɛro.

⁹Ɛflaimu burinↄ bi kàzurinↄmɛ, akũ ò bòru kpɛ zĩ̀i gũn.

¹⁰Odi zɛ kũ Luda bàka kunna kũńwo yãoro, ò gì tɛ́ a dokaiii.

¹¹A yãkɛnanↄ sã̀ńgu kũ yãbonsarɛ kũ à mↄ̀ńnɛnↄ.

¹²À daboyãnↄ kɛ̀ ń dizinↄ wára Zoã wɛ̃tɛ gũn, Misila bùsun.