ZABURA 69:23-30 in Busa

²³Ń wɛ́ sira kũ de òsun gu ero, ń wó gↄ̃ kokona.

²⁴Ǹ n pɛ̃tɛ̃ kipaḿma, ǹ n pↄfɛ̃ pãsĩ pisiḿma.

²⁵Ń bɛ gↄ̃ bɛzĩ ũmɛ, ń gbɛ̃ke súngↄ̃ kun de à vutɛ ń kpɛ́n doro.

²⁶Zaakũ òdi wɛ́ tã gbɛ̃ kũ n ń lɛ́nↄa, òdi gbɛ̃ kũ n ń kĩnnanↄ wãwã yã o.

²⁷Ǹ ń yã sĩnda pínki taari dińnɛ, ń baka súngↄ̃ kú n surabanaa gũnlo.

²⁸Ǹ ń tↄ́ gogo wɛ̃̀ndi takada gũn, ń tↄ́ súngↄ̃ kú kũ gbɛ̃ mananↄ tↄ́oro.

²⁹Luda, má kú wãwã kũ yã'ũmmanaao gũn, ǹ ma sɛ́ lei de mà bo aafia.

³⁰Mani Luda tↄ́ bo lɛ̀sinaa gũn, mani a sáabu kɛ mà a tↄ́ sɛ́ lei.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!