8 À lɛ́ kɛ à gwa, áni dↄ̃ kũ Dikiri nna, arubarikaden gbɛ̃ kũ à nài ũ.
9 Dikiri gbɛ̃nↄ, à vĩna kɛnɛ, pↄ́ke dì kĩa à vĩnakɛrinↄaro.
10 Nà dì músunↄ dɛ, pↄ́ble dì kĩaḿma, ama pↄ́ mana ke dì kĩa Dikiri ki wɛtɛrinↄaro.
11 Gbɛ̃nↄ, à mↄ́ à ma yã ma, mà vĩnakɛna Dikirinɛɛ dadaárɛ.
12 Ákↄ̃nↄ kũ á ye á wɛ̃̀ndi gↄ̃ mana akũsↄ̃ á ye á kunna gↄ̃ nna,
13 à á lɛ́ kũ kũ yãvãni'onaao, àsun tó ɛ́kɛ bo á lɛ́nlo.
14 À kpɛ li yã vãninɛ à yã mana kɛ, à aafia zɛ́ wɛtɛ àgↄ̃ tɛ́i.
15 Dikiri dìgↄ̃ wɛ́ tɛ́ gbɛ̃ mananↄi, àdi sã kpá ń ↄ́ↄdↄnaai.
16 Dikiri dì kpɛ li yãvãnikɛrinↄnɛ, de ń yã sún dↄ gbɛ̃keguro yãi.
17 Tó gbɛ̃ mananↄ lɛ́ zù Dikirii, àdi ma, àdi ń bo ń warinↄ gũn pínki.
18 Dikiri kãni kũ gbɛ̃ kũ ń pↄ yàkanↄ, àdi kpá gbɛ̃ kũ ń ãn sisinanↄi.
19 Wari dìgↄ̃ gbɛ̃ mana le gɛ̃̀n baaakↄ̃, ama Dikiri dì a bo a gũn pínki.
