29 Kũ n gbãnao mani fↄ̃ mà kùsɛ kpá karaa, ma Luda gãi mani fↄ̃ mà vĩ gbĩ̀la.
30 Luda díkĩna sↄ̃ a yãkɛna bↄtɛna. Dikiri yã mamberu vĩro, à swáswa. À de sɛ̃gbako ũ gbɛ̃ kũ ò nàinↄnɛ.
31 Dikiri baasiro, dímɛ Luda ũu? Ó Luda baasiro, dín gbɛ̀si ũu?
32 Luda mɛ́ àdi ma gba gbãna, àkũ mɛ́ àdi zɛ́ poromɛnɛ súsu.
33 Àdi tó ma gbá kãi gↄ̃ nna lán zↄ̃ pↄ́ bà, àdi tó màgↄ̃ táa o guleinↄ musu.
34 Àdi zĩ̀kanaa dadamɛnɛ ari ma gã̀sã ni fↄ̃ à mↄ̀gotɛ̃ sá gá.
35 Ndì n zĩ̀blesɛ̃gbako kpáma, ń ma kũna n ↄplaa, ndì natɛ ǹ ma tↄ́ bo.
36 Ndì ma zɛ́ yàasa kũmɛnɛ de ma gbá sún sataro.
37 Ma pɛtɛ ma ibɛrɛnↄi ma ń kũkũ, mádi ɛra ma suro, sé ma gɛ ma ń dɛdɛ.
38 Ma ń zↄ̃zↄ̃, odi fↄ̃ ò fùtɛ doro, ò lɛ̀tɛ ò gↄ̃̀ katɛna ma gbá lɛ́i.
