24 Dikiri fĩna bòmɛnɛ ma nɛ̀sɛmana lɛ́n, zaakũ à è má kun gbãsĩ sari.
25 Náanidemɛ n ũ náanidenↄnɛ, taarisaridemɛ n ũ taarisaridenↄnɛ.
26 Ń swáswa gbɛ̃ swáswanↄnɛ, ama ndì kisira li gbɛ̃ dↄ̀rↄsaridenↄi.
27 Ndì zĩdabusarinↄ sura ba, ndì zĩdabirinↄ lago.
28 Dikiri, ndì ma fitila tɛ́ tó nana, ma Luda, ndì ma gusira litɛ gupura ũ.
29 Kũ n gbãnao mani fↄ̃ mà kùsɛ kpá karaa, ma Luda gãi mani fↄ̃ mà vĩ gbĩ̀la.
30 Luda díkĩna sↄ̃ a yãkɛna bↄtɛna. Dikiri yã mamberu vĩro, à swáswa. À de sɛ̃gbako ũ gbɛ̃ kũ ò nàinↄnɛ.
