12 Yurusalɛmudenↄ, à Dikiri tↄ́ bo, Zaiↄ̃denↄ, à á Luda táaki lɛ́.
13 Zaakũ àdi arubarika daágu, àdi á wɛ̃tɛ bĩnilɛnↄ gbãna karaárɛ.
14 Àdi á gba aafia ari á bùsulɛ lɛ́n, àdi pↄ́buri mana kpááwa à kã.
15 Àdi yã o à kpãzã zĩtɛnɛ, a yã dì ká gↄ̃̀nↄgↄ̃nↄ.
16 Àdi tó legũgbɛ kↄ́tɛ púu lán buu bà, àdi tó plí kpá lán túbu bà,
17 àdi legũgbɛ fã lán gbɛ̀kↄsↄↄ bà. Dí mɛ́ ani fↄ̃ à zɛ a ĩa yĩdaii?
18 Àdi yã o à kpãzã, legũgbɛɛ dì yↄ́, àdi ĩa gbarɛ, a í dì bàa lɛ́.
19 Àdi tó Yakubu burinↄ gↄ̃ a yã dↄ̃, àdi doka kũ à dìtɛnↄ da Isarailanↄnɛ.
