1 Aleluya! Lɛ̀sina ó Ludanɛ mana, à nna akũsↄ̃ à kũ̀ ò a táaki lɛ́.
2 Dikiri tɛn Yurusalɛmu futɛ dↄ, à Isaraila zĩ̀zↄnↄ kàkara àtɛn ɛra à su kũńwo.
3 Àdi gbɛ̃ kũ ń nɛ̀sɛɛ yàkanↄ laakari kpátɛńnɛ, àdi ń bↄ̀ pípińnɛ.
4 À susunɛnↄ lɛ́ dↄ̃, àdi ń baadi sísi a tↄ́a.
5 Ó Dikiri zↄ̃kↄ̃, à iko vĩ manamana, a ↄ̃ndↄ̃ lɛ́ vĩro.
6 Dikiri dì zĩdabusarinↄ gba gbãna, ama àdi ↄ tↄ̃ yãvãnikɛrinↄa ari zĩtɛ.
7 À lɛ̀ sí Dikirinɛ kũ a sáabukɛnaao, à ó Luda táaki lɛ́ kũ mↄrↄↄo.
