44 Manigↄ̃ n doka kũna ari gↄrↄ sĩnda pínki.
45 Manigↄ̃ tɛ́ aafia, zaakũ ma n ↄdↄki wɛ̀tɛ.
46 Mani n yãnↄ o kínanↄ arɛ, wé'i ni ma kũro.
47 N yãditɛnanↄ dì ma pↄ gba, zaakũ má yei.
48 Ma gã̀a sɛ̀ n yãditɛna kũ má yeinↄnɛ, madì laasun lɛ́ n yãdannɛnanↄa.
49 Ǹ dↄ yã kũ n ò n zↄ̀bleriinɛn, zaakũ n tò ma wɛ́ dↄi.
50 Yã kũ àdi ma laakari kpátɛ ma warikɛnan dí, n lɛ́sɛna mɛ́ àdi ma wɛ̃̀ndi dãkpã.
51 Karambaanidenↄ tɛni ma fobo lakanaa sari, bee kũ abireo madì zã n dokaaro.
52 Madì dↄ n dokayã kũ à kú zaa zĩnↄn, akũ òdi ma nɛ̀sɛ yĩda kũmɛnɛ, Dikiri.
53 Madì pↄ fɛ̃ manamana, kũ yãvãnikɛrinↄ dì pã kpá n dokai yãi.
54 Madì lɛ̀ sí n yãdannɛnanↄ musu ma kunna andunia díkĩna gũn.
55 N yã dìgↄ̃ dↄmagu gwãani, Dikiri, madìgↄ̃ n dokayãnↄ kũna.
56 Ma dↄ́nɛ kɛ̀ kũ yã birenↄo, zaakũ madìgↄ̃ n ↄdↄki gwa.
