146 Madì lɛ́ zunyĩ ǹ ma sura ba, manigↄ̃ n yãnↄ kũna.
147 Madì futɛ gudↄo mà wiki lɛ́mma, n yãn ma wɛ́ dↄi.
148 I dì na ma wɛ́a gwãaniro de mà le mà laasun lɛ́ n yãa yãi.
149 Ǹ ma yã ma n gbɛ̃kɛ yãi, Dikiri, ǹ ma wɛ̃̀ndi dãkpã lákũ n yãzɛdekɛ de nà.
150 Gbɛ̃ kũ òdi lɛ́ kpákũsũmainↄ kãni kũmao, ama ò zã̀ kũ n dokao.
151 Ń kú kũmao kãni Dikiri, n yãditɛnanↄ pínki yãpura vĩ.
152 Zaa gìkɛna ma dↄ̃̀ n yãnↄa kũ n dìtɛ àgↄ̃ kun gↄrↄ sĩnda pínki.
153 Ǹ ma warikɛna gwa ǹ ma sura ba, zaakũ n doka dí sãmaguro.
154 Ǹ zɛ kũmao ǹ ma bo, ǹ ma wɛ̃̀ndi dãkpã lákũ n a lɛ́ sɛ̀ nà.
155 N surabanaa zã̀ kũ yãvãnikɛrinↄ, zaakũ òdi n yãdannɛnanↄ wɛtɛro.
