Zãa 7:41-51 in Boko (Benin)

⁴¹Gbɛ̃eↄ mɛ̀: Gbɛ̃́ beepiá Mɛsiiɛ. Ãma gbɛ̃eↄ mɛ̀: Mɛsii a bↄ Galilee?

⁴²A kɛ̃a Luayãtaalau wà mɛ̀ Mɛsiiá Davidi buiɛ, a bↄ Davidi bɛ wɛ̃́lɛ Bɛtɛlɛũɛ.

⁴³Ɔ̃ bíla kↄ̃kpaalɛ̀ Yesu yã́i.

⁴⁴An gbɛ̃eↄ ye aà kṹ, ãma gbɛ̃e i ↄkãwào.

⁴⁵Ɔ̃ dↄaiↄ ɛ̀a tà sa'onkiaↄ ń Falisiↄ kĩ́i. Ɔ̃ aa ń lá aa mɛ̀: Bↄ́yãi i aà kũ sùòo ni?

⁴⁶Dↄaipiↄ wèmá aa mɛ̀: Gbɛ̃e i yã'o lán gbɛ̃́piwa yãao.

⁴⁷Ɔ̃ Falisiↄ ònɛ́: À á sãsã sↄ̃ yã̀?

⁴⁸Gbãadee ge Falisie aà náaikɛ̀e?

⁴⁹Bíla bee Lua yã́ dↄ̃o, Lua láaizĩ̀máɛ.

⁵⁰Nikodɛũ pↄ́ gɛ̀ Yesu kĩ́i yãaá gbãadepiↄ doɛ. A ònɛ́:

⁵¹Wá ikoyã guu wà mɛ̀, wásu yãda gbɛ̃́la aà yãmasai ge yã́ pↄ́ a kɛ̀ dↄ̃saio.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!