23 À borii guu à Yesu bↄ̀n Isarailinↄnɛ Mìsiri ũ lán à à lɛ́ gbɛ̃̀ nà.
24 Ai Yesu pì gↄ̃ gá mↄ́ Yaaya gĩakɛ à waazi kɛ̀ Isarailinↄnɛ ń píngi, à òńnɛ aↄ̃ ń nↄ̀sɛ liɛ aↄ̃ batisi kɛ.
25 Kɛ̀ Yaaya zĩi kà yãana à bè: Dén ée daa má dɛ a ũu? Gbɛ̃ kɛ̀ á wɛ́ɛ dↄzin ma ũro. À ma! Adee e mↄↄ ma gbɛra, mɛ́ɛ ká mà à kyatee bↄbↄnɛro.
26 Ma gbɛ̃nↄ, Ibraĩ boriinↄ kↄ̃n bori pãnde dↄnzirinↄ, wapinↄn Luda mìsina yã kɛ̀kii kpã̀sãwe.
27 Yerusalɛmudeenↄ kↄ̃n ń gbãadeenↄↄ e Yesu dↄ̃ro, aↄ̃ↄe annabinↄ takada kɛ̀ wègↄ̃ à kyó kɛɛ kámmabogurↄↄ zĩ píngi zɛ́ dↄ̃ro, ben aↄ̃ↄ tò annabi pìnↄ yã pàpa aↄ̃ yã vɛ̃̀ɛa.
