43 Motong la Yesu iwete pang di nen, “Ai, katemim malmal a kapasa mur yau dookoot!
44 Tool sa ke be itoo ya taunu lono a iman pang yau, ngan tiap, bong be Tamak yo iwangau a asi i, in ipamaditi lono be iman, ngan la be iman pang yau nga. Inbe tool yo nen, in ole apamaditi mulu ye lal yo Maro itaru be ikarata betanga kidi tooltool ye i.
45 Le betanga yo Maro koonoo iwode a iken ye Rau ke Maro in nen, ‘Ole Maro ipatomonai di tooltool nga le imot.’ Ngan nen le di sema tooltool le imot yo tilongo betanga ke Tamak a lodi galanga ye nga, ngan ole timan pang yau.
