1 Ɩ́ yoo Tɑcɑɑ kɛ yontu kʋfɑtʋ, mpi tɔ, ɩ lɑpɑ kɔkɔlɔ nyəmnɑɑ, nɑ ɩ nyəm nɑ ɩ Ɩsɔtʋ toŋ.
2 Tɑcɑɑ n hʋlɑ nyɑ́ yɑpʋ tɔm nɑ ń kuli nyɑ́ tɑmpɑnɑ təŋʋɣʋ tɔɔ nɑ piitimnɑɑ nɑ́.
3 N tɔɔsɑ Ɩsɛɣɛlɩ nyə́mɑ tɔɔ nɑ ń lɑ-wɛɣɛ teu nɑ kʋpɑntʋ. Tɛtʋ tənɑsɩ tənɑ nɑwɑ tɑ́ Ɩsɔ nyʋɣʋ yɑpʋ tɔm.
4 Atɛ yəlɑɑ mɛ mə tənɑ ɩ́ yoo Tɑcɑɑ kɛ lɑŋhʋlʋmlɛ yontu. Ɩ́ sɑmɩ-ɩ nɑ yontu nɑ ɩ́ wilitinɑ lɑŋhʋlʋmlɛ.
5 Ɩ́ yoo Tɑcɑɑ sɑmtʋ ɩ́ yoo-ɩ-tɩ nɑ cəməŋ.
6 Ɩ́ tʋ Tɑcɑɑ wulɑʋ kɛ yonkpɑɑmɑ nɑ lɑŋhʋlʋmlɛ, nɑ ɑkɑntɛɛ nɑ tutuuŋ.
7 Teŋku nɑ ɩ tɑɑ nyəm tənɑ ɩ́ cɔ, nɑ tɛtʋ nɑ tə tɑɑ nyəm ŋmɑɑlənɑ lɑŋhʋlʋmlɛ.
8 Pusi ɩ́ wiliti nɑ pɔɔŋ tənɑ nɑ́ɑ́ kpɛntɩ nɑ ɩ́ yoo yontu kɛ Tɑcɑɑ.
9 Mpi tɔ, Tɑcɑɑ kɔŋ sɩ ɩ́ hʋʋnɑ tɛtʋ tənɑ. Ɩ kɑ təŋ tɑmpɑnɑ nɑ ɩ́ hʋʋnɑ ɑntulinyɑ, nɑ ɩ́ hʋʋnɑ yəlɑɑ kɛ teitei.
