1 Kʋyɑkʋ kʋhɛɛsʋɣʋ wule yontu.
2 Pə wɛ teu kɛ́ sɩ tə́ sɑ Tɑcɑɑ nyɑ́, nɑ tə́ yoo yontu kɛ ɩsɔtɑɑ Ɩsɔ sɔsɔ nyɑ́ nyɑ́ hətɛ tɑɑ.
3 Nɑ tə́ kpɑɑlɩ nyɑ́ kʋpɑntʋ kɛ tɑnɑŋ tɛɛ, nɑ nyɑ́ teu tɔm kɛ ɑhoo.
4 Tə́ sɑ-ŋ nɑ ŋmɩɩsɩ nɑɑnʋwɑ cəməŋ nɑ sɑŋkʋnɑɑ.
5 Hɑɩ, Tɑcɑɑ, nyɑ́ kʋlɑpəm hɛɛsəɣɩ mɑ lɑŋlɛ kɛ́, nɑ mɑ́ yooki nyɑ́ niŋ təmɑ tɔm kɛ yontu nɑ lɑŋhʋlʋmlɛ.
6 Hɑɩ, Tɑcɑɑ, nyɑ́ təmɑ kɛ́ sɔsɔɔnɑ kɛ́, nɑ nyɑ́ ləmɑɣɑsɛɛ kɛ́ yuŋ nyənɑ.
7 Kʋmɛlɛŋ ɩɩ cɛkəɣənɑ təlɛ, pəyele ləmɑɣɑsɛɛ fɛɩ tʋ nɑɑ pɑɑsəɣənɑ.
8 Asɑɣɑɑ hukiɣi kɛ́ ɩsɩɩ nyɩɩtʋ, nɑ ɩsɑɣɑtʋ lɑtɑɑ nɑ́ɑ́ pɩɩkɩ. Amɑ wɑkəlʋɣʋ tɑm tɔɔ nyəŋkʋ tɑŋnɑ-wɛ.
