6 Nyɑ́ toŋ kɛ tə pəsəɣənɑ tɑ́ kolontunɑɑ kɛ kpɛntəlɑsɩ, nɑ tə́ fɛləɣɩ-wɛɣɛ nɔɔhɛɛ nɑ nyɑ́ hətɛ.
7 Tə tɑ tʋ tɑ́ tɔɔʋ kɛ nɑɑni. Pəyele tə tɑ tɑŋ tɑ́ lɑɣɑtɛ sɩ tə́ wɑɑsɩ-tʋɣʋ pʋlʋ.
8 Mpi tɔ, nyɑ́ yɑkənɑ-tʋɣʋ tɑ́ kolontunɑɑ niŋ tɑɑ nɑ ń tʋɣɩ mpɑ pɑɑ cɑɑkɩ-tʋ tɔɣɔ fɛɛlɛ.
9 Tɑcɑɑ tɩɩ tʋɣʋ-ŋ teeli kɛ pɑɑ kʋyɑkʋ ŋkuɣʋ. Tɩɩ sɛɛkɩ-ŋ tɑm kɛ́.
10 Pɑɑ nɑ mpʋ n lɔ-tʋ nɑ ń tʋ-tʋɣʋ fɛɛlɛ, nɑ ń kisi tɑ́ yoolɑɑ wɑɑlɩ kɛ wɛɛʋ.
11 N yelɑɑ nɑ tə́ se tɑ́ kolontunɑɑ, nɑ pɛlɛ pɑ́ kuu tɑ́ wontu.
12 N pɛtɑ-tʋɣʋ pɑ niŋ tɑɑ kɛ́ ɩsɩɩ tɔlɑ kɛ təkʋlɛ nɑ tə́ yɑ́ yem kɛ́ lɛlɑɑ tɛ́.
