23 Ye ɩ lɑŋlɛ hɛɛnɑ yʋlʋ tɔntɛ, ɩ hɑsəɣɩ ɩ nɔɔhɛɛ tɛɛ kɛ́.
24 Pɑɑ ɩ tɩɩ hotɑɑ ɩɩ sɑɑləɣɩ ɑtɛ. Ɩ tɔkəɣɩ ɩ niŋ tɑɑ kɛ́ nɑ ɩ kʋsɩ-ɩ.
25 Too mɑ kʋlʋɣʋ tɔ, hɑlənɑ mɑ kpɑtəlɑɣɑ, mɑ tɑ nɑtɑ pə lɔwɑ siɣisilu, yɑɑ pə sʋsɑ ɩ piyɑ kɛ tɔɣɔnɑɣɑ sələmʋɣʋ tɑɑ.
26 Ɩ hɑɑkənɑ luɣu kʋlʋmʋɣʋ kɛ tɑm kɛ́ nɑ Ɩsɔ kooliɣi ɩ piyɑ kɛ kʋpɑntʋ.
27 Kisi ɩsɑɣɑtʋ nɑ ń lɑkɩ kʋpɑntʋ ɩlɛ nyɑ́ piitim kɑ́ wɛɛ tɛtʋ tɑɑ kɛ́ tɑm.
28 Mpi tɔ, siɣisuɣu kɛ Tɑcɑɑ n sɔɔlɑɑ. Pəyele nn lɔɔkɩ nyɑ́ yəlɑɑ. N kentiɣi pɑ tɔɔ kɛ́ tɑm kɛ́. Amɑ n kɑ́ kpiisi ɑsɑɣɑɑ piitim.
29 Siɣisilɑɑ kɑ́ tɔɣɔnɑ tɛtʋ nɑ pɑ́ cɑɣɑ tə tɑɑ kɛ́ tɑm.
30 Ləmɑɣɑsɛɛ tɔm kɛ siɣisilɑɑ yɔɣɔtəɣɩ nɑ pɑ́ kpɑɑləɣɩ tɑmpɑnɑ təŋʋɣʋ.
