4 Ɩ kʋyɔɣɔtʋtʋ tənɑ kɛ kɑloolɑɣɑ nɑ kʋtʋsʋtʋ kɛ́. Ɩ fɛɩ ləmɑɣɑsɛɛ, pə́cɔ ɩ tɑ nyɩ kʋpɑntʋ lɑpʋ.
5 Ɩ təhəntəlɛ kɛ ɩ mɑɣɑsəɣɩ mpi pə tɑ siɣisi tɔ pə tɔm, nɑ ɩ́ təŋəɣɩ mpɑɑʋ ŋku kʋ fɛɩ teu tɔ, ɩɩ lɔɔkɩ ɩsɑɣɑtʋ.
6 Tɑcɑɑ nyɑ́ kʋpɑntʋ wɑlɑɑ kɛ́ ɩsɩɩ ɩsɔtɔnʋɣʋ nɑ nyɑ́ teu nɑ́ɑ́ kɑləsənɑ ɩsɔŋmʋntʋ.
7 Nyɑ́ siɣisuɣu kɑɑwɑɣɑ ɩsɩɩ pulɑsɩ. Nɑ nyɑ́ kʋmɑɣɑsʋtʋ nɑ́ɑ́ lumɑɑ ɩsɩɩ teŋku. Nyɑ́ wɑɑsəɣənɑ yəlɑɑ nɑ tɔlɑ.
8 Hɑɩ, Ɩsɔ nyɑ́ kʋpɑntʋ tewɑɣɑ. Nɑ yəlɑɑ ŋmɛləɣɩ nyɑ́ tɛɛ.
9 Nyɑ́ təyɑɣɑ tɑɑ wɛnɑʋ kɛ n hɑɣɑsəɣɩ-wɛ, nɑ ń yeki nɑ pɑ́ nyɔɔkɩ nyɑ́ kʋpɑntʋ ɩsɩɩ lʋm.
10 Nyɑ́ kiŋ kɛ weesuɣu sɛɛlʋ wɛɛ. Nɑ tə nɑɑkənɑ nyɑ́ nyɑɑləm.
11 Tɑcɑɑ lɑ kʋpɑntʋ kɛ mpɑ pɑ nyəmɑ-ŋ tɔ nɑ mpɑ pɑ təŋəɣɩ tɑmpɑnɑ tɔ.
