2 Mɑ luŋiɣi nyɑ́ təsɛɛlɛ nɑŋŋ nyəntɛ tɑɑ kɛ́ nyɑ́ kʋpɑntʋ nɑ nyɑ́ tɑmpɑnɑ tɔɔ. Mpi tɔ, n lɑpɑ nɑ nyɑ́ nɔɔsɩ sɩɩʋ té nɑ pə́ tɛɛ pə tənɑ.
3 Wɑɑtʋ wei mɑ yɑɑ-ŋ tɔ n cɔ-m, nɑ ń tʋ-m ɑpɑlʋtʋ nɑ toŋ.
4 Tɑcɑɑ, ɑtɛ ɑwulɑɑ tənɑ kɑ́ sɛɛ-ŋ. Wɑɑtʋ wei pɑɑ nɩɩ nyɑ́ nɔɣɔ tɑɑ tɔm tɔ.
5 Pɑɑ sɑ nyɑ́ təmɑ nɑ pɑ́ yooki sɩ: Tɑcɑɑ teeli tɔɔwɑ sɔsɔm.
6 Tɑcɑɑ wɛ ɩsɔtɑɑ kɛ́, nɑ ɩ́ nɑɑkɩ mpɑ pɑ pɑsəɣɩ pɑ tɩ tɔ. Nɑ ɩ́ loosiɣi kɑlɑmpɑɑnɩ nyə́mɑ kɛ pooluŋ nɑ ɩ́ nyəmɑ-wɛ.
7 Ye mɑ wɛ lɑŋwɑkəllɛ tɑɑ, nyɑ́ hɑɑkənɑ-m weesuɣu. Pɑɑ mɑ kolontunɑɑ pɑ́ɑ́nɑ́ kɑ́ kpɑ ɩsənɑ, n kɑ wɑɑsɩ-m kɛ́.
