5 Ɩnɩ ɩ lɑpənɑ ɩsɔtɔnʋɣʋ nɑ nyəm. Mpi tɔ, ɩ kʋpɑntʋ wɛ tɑm tɔɔ kɛ́.
6 Ɩnɩ ɩ pɔnɑ tɛtʋ kɛ lʋm tɔɔ. Mpi tɔ, ɩ kʋpɑntʋ wɛ tɑm tɔɔ kɛ́.
7 Ɩnɩ ɩ lɑpənɑ ɩsɔtʋlʋŋɑsɩ sɔsɔɔnsɩ. Mpi tɔ, ɩ kʋpɑntʋ wɛ tɑm tɔɔ kɛ́.
8 Ɩ lɑpɑ ilim sɩ pə tɔɣɔ kɑwulɑɣɑ kɛ ilim tɑɑ. Mpi tɔ, ɩ kʋpɑntʋ wɛ tɑm tɔɔ kɛ́.
9 Ɩnɩ ɩ lɑpənɑ ɩsɔtʋ nɑ ɩsɔtʋlʋŋɑsɩ sɩ sɩ́ tɔɣɔ kɑwulɑɣɑ kɛ ɑhoo. Mpi tɔ, ɩ kʋpɑntʋ wɛ tɑm tɔɔ kɛ́.
10 Ɩnɩ ɩ kʋnɑ Icipiti ɑpɑlʋpiyɑ kɑncɑɑlɑɣɑ kʋlʋlɑsɩ. Mpi tɔ, ɩ kʋpɑntʋ wɛ tɑm tɔɔ kɛ́.
11 Ɩnɩ ɩ ləsənɑ Ɩsɛɣɛlɩ nyə́mɑ kɛ Icipiti nyə́mɑ hɛkʋ. Mpi tɔ, ɩ kʋpɑntʋ wɛ tɑm tɔɔ kɛ́.
12 Ɩ tomɑ sɔsɔɔnɑ kɛ ɩ hʋlɑɑ. Mpi tɔ, ɩ kʋpɑntʋ wɛ tɑm tɔɔ kɛ́.
13 Ɩnɩ ɩ fɑɣɑnɑ teŋku kʋsɛɛm kɛ cɑlɩ. Mpi tɔ, ɩ kʋpɑntʋ wɛ tɑm tɔɔ kɛ́.
14 Ɩ lɑpɑ nɑ Ɩsɛɣɛlɩ nyə́mɑ tɔ teŋku ɩnɩ ɩ hɛkʋ tɑɑ. Mpi tɔ, ɩ kʋpɑntʋ wɛ tɑm tɔɔ kɛ́.
15 Ɩnɩ ɩ təŋsənɑ Icipiti wulɑʋ nɑ ɩ yoolɑɑ kɛ lʋm. Mpi tɔ, ɩ kʋpɑntʋ wɛ tɑm tɔɔ kɛ́.
