46 Mɑɑ heeli nyɑ́ kʋsəsɩɩtʋ tɔm kɛ ɑwulɑɑ, fɛɛlɛ kɑɑ wɛɛ-m.
47 Nyɑ́ kʋsəsɩɩtʋ kɛ mɑ lɑŋlɛ hɛɛnɑɑ. Mpi tɔ, mɑ sɔɔlɑ-təɣɩ.
48 Mɑ nɩɩkənɑ nyɑ́ kʋsəsɩɩtʋ kɛ́. Mɑ sɔɔlɑ-təɣɩ. Mɑ cɑɑ mɑ mɑɣɑsɩ-təɣɩ mɑ tɑɑ kɛ́.
49 Tɔɔsɩ tɔm nti n kɑ heelɑ nyɑ́ təmlɛ tʋ mɑ́ tɔ tə tɔɔ. Ntɩ tə tʋnɑ-m nɑɑni.
50 Ntɩ tə hɛɛsəɣənɑ mɑ lɑŋlɛ kɛ mɑ wɑhɑlɑ tɑɑ. Nyɑ́ tɔm kʋpɑntʋ hɑɑkənɑ-m weesuɣu.
51 Pɑɑ ɩsəcɑʋtʋnɑɑ woŋiɣi-m mɑ tɑ lɩɩ nyɑ́ kiiu tɑɑ.
52 Tɑcɑɑ mɑ tɔɔsəɣɩ nyɑ́ lɔŋtɑɑ hʋʋlɛ tɔm nɑ pə́ hɛɛsəɣɩ mɑ lɑŋlɛ.
