130 Nyɑ́ tɔm cɛkənɑʋ kɔŋnɑ nyɑɑləm kɛ́ tə hɑɑkɩ lɑɣɑtʋ kɛ mpɑ pɑ lɑŋɑ-tɩ tɔ.
131 Mɑ liki nyɑ́ tɔm kɛ́ nɑ hiluɣu. Mpi tɔ, mɑ wɛnɑ nyɑ́ kʋsəsɩɩtʋ nyɔɣɔsɩ kɛ́.
132 Kɛɛsɩ nyɑ́ ɩsɛ nɑ mɑ tɔɔ nɑ ń nyənɩ mɑ pətɔɔtəlɛ, ɩsɩɩ n lɑkʋɣʋ mpɑ pɑ sɔɔlɑ nyɑ́ hətɛ tɔ.
133 Nyɑ́ tɔm ɩ́ tʋ-m nɑɑni. Tɑɑ yele nɑ ɩsɑɣɑtʋ nɑtəlɩ tə́ pəsɩ-m.
134 Wɑɑsɩ-m, yəlɑɑ cɑɑkɩ pɑ ŋmɑkələɣɩ-m. Ɩlɛnɑ mɑ tɔkɩ nyɑ́ kʋsəsɩɩtʋ.
135 Nyɑ́ ɩsɛntɑɑ ɩ́ hɛtənɑ nyɑ́ təmlɛ tʋ mɑɣɑ teu. Sɛɣɛsɩ-m nyɑ́ kʋsəsɩɩtʋ.
136 Wɑɑtʋ wei mɑ nɑɑkɩ sɩ pɑɑ tɔkəɣɩ nyɑ́ kiiu tɔ mɑ lukiɣi ɩsəlʋm kɛ́.
137 Hɑɩ, Tɑcɑɑ, n kɛ́ siɣisilu kɛ́, nɑ ń təŋəɣɩ tɑmpɑnɑ kɛ nyɑ́ hʋʋlɛ tɑɑ.
138 Nyɑ́ kʋsəsɩɩtʋ siɣisɑɑ kɛ nɑ tə kɛ́ tɑmpɑnɑ.
139 Wɑɑtʋ wei mɑ nɑɑkɩ mɑ kolontunɑɑ sɔɔkɩ nyɑ́ tɔm tɔ, pɑ́ɑ́nɑ́ sɔsɔɔnɑ kpɑɑkɩ-m kɛ́.
