Yon 9:9-16

⁹Teladi daharua ba, “Ina naga.” Teladi daharua ba, “Tegu. Ne lipu tela bagunganoa taininau.” Ne ing sibuna haxi ba, “Nga naga!”

¹⁰Binabu duxusunga ba, “Ne maxamdi daxaxa ding baru?”

¹¹Haxuya ba, “Lipua duxu ba Yesu xaningxaning bangaba saing sabaxaya maxagudi. Bala nga ba ngala Siloam ngasugu. Binabu ngala ngasugu, baing ina naga ngabagu dup.”

¹²Duxusunga ba, “Lipua ba kabila?” Harua ba, “Ngaxabia te.”

¹³Tauna, daxap lipua muga maxandi dahaxatu ba ma rangua Parisidi.

¹⁴Ne xaidaba Yesu xaningxaning bangaba saing xaxa lipua ba maxandi bing Xaidap Yaguangama.

¹⁵Binabu Parisidi duxusunga xauna ba, “Maxam disok xai baru?” Haxuya ba, “Ta bangaba maxagia, saing ngasugu, baing ina naga hatata ngabagu dup.”

¹⁶Parisi teladi daharua ba, “Lipua ba ma rangua Urana te, namua na su mana Xaidap Yaguangam hanaunaunganoa te.” Ne teladi duxusunga ba, “Ne lipu kubolu dianama sanga ba libu axamang haringindi bila ba baru?” Binabu dahata ding.