43 Binabu lipudi dahata ding mana Yesu gaxarea.
44 Teladi dibo ba dituxu, ning tela ta rimang tela mana te.
45 Sup, baing lipu Urana Numang wasanganamdi digoxoya mala rangua lipu hananiangamdi yanamidingdi xaung Parisidi. Yanamidingdi duxusungadi ba, “Baruta atuxu axap ma te?”
46 Lipu wasangamdi dahaxuya ba, “Waleu ma lipu tela harua bila lipua ba te!”
47 Parisidi dibaladi ba, “Baruta? Tuxu murak mang xauna?
48 Lipu yanamiding tela kimbo Parisi tela hatum haringina mana? Tegu!
49 Ning buranga li dahasuxi mana hanaunaungua. Urana bagula hanggalangiadi.”
